ЎҚув методика маркази

Январь
1-машғулот
Мавзу: Шахсий ҳаётдан ҳикоя тузиш “Қиш байрамини қандай ўтказдим?”
Мақсад:
Шахсий ҳаётда бўлган воқеаларни ҳикоя қилиб сўзлаб беришга ўргатиш.
Вазифалар:
Болаларнинг сўзлашув нутқини ривожлантириш.Сўзлаётганда тўғри нафас олишни ривожлантириш.Мавзу бўйича берилган саволларга жавоб бериш
малакасини такомиллаштириш.Буюмларни бирон гуруҳга киритиш, умумлаштирувчи сўзларни фаоллаштириш.“К-G” товушларини тўғри талаффуз этиш.
Кутилаётган натижалар:
Болаларнинг сўзлашув нутқи ривожланади.
Болалар буюмларни бирон гуруҳга киритишни, умумлаштирувчи сўзлардан фойдаланишни ўрганадилар.
Керакли жиҳозлар:
Турли хилдаги ўйинчоқлар
Турли хилдаги буюмлар
Машғулотнинг бориши
Тарбиячи: Бизнинг боғчамизда бўлиб ўтган арча байрами жуда қизиқарли бўлди. Янги йил байрамига ҳаммамиз орзиқиб кутган сахий Қорбобо, Қорқиз иштирок этишиб, байрамимизни кўнгилли ўтказиб беришди.
Ҳозир биз “Мен қиш байрамини қандай ўтказдим?” мавзусида ҳикоя тузишни ўрганамиз. Қани бир эсланг-чи?
1. Сиз қиш байрамига қайерга ва ким билан бордингиз?
2. У ерда нималарни кўрдингиз?
3. Сизга нима жуда ёқди?
4. Қандай ашула ва шеърлар айтдингиз?
5. Қандай совға олдингиз?
6. Шу куни қандай қизиқарли воқеалар юз берди?
7. Кун қандай тугади?
Болаларнинг ҳикоялари қисқа ва тугалланган бўлиши керак (5-6 та боланинг жавоблари).
Бармоқлар машқи
Тарбиячи шеърни ўқиб туради. Болалар ҳаракатни бажарадилар.

В ертолёт

Қани уч, эй вертолёт,
Паррагинг тез айлантир.
Ортда қолсин самолёт,
Паррагинг тез айлантир.

Иккала қўлнинг бармоқлари (кўрсаткич ва бош бармоқдан ташқари)

тўқилган сават шаклида чирмаштирилади Кўрсаткич бармоқларни олдинга чўзиб учлари бир-бирига теккизилади (бу вертолётнинг думи). Бош бармоқлар билан вертолётнинг паррагига ўхшаш тез-тез айланма ҳаракатлар бажарилади.
“Гуруҳлаш” ўйини
- Болалар, менинг столимда Қорбобонинг бизни гуруҳимизга совға қилган ўйинчоқлари (совғалар) турибди. Булар кийимлар, идишлар, ўқув қуроллари. Келинглар, бу совғаларни гуруҳларга ажратамиз. Доира бўлиб туриб олинглар. Мен бирор совғанинг номини айтиб коптокни отаман, илиб олган бола мен айтган сўз нимани ифодалашини тез айтиб беради.
Масалан: қўғирчоқ-бу ўйинчоқ;
кўйлакча-кийим;
чойнак-идиш каби