ЎҚув методика маркази

Керакли жиҳозлар:
Турли мавзуларда расмлар
Машғулотнинг бориши. Тарбиячи: болалар, бугун сиз билан бир қанча расмларни томоша қиламиз.Эътибор беринг ҳамма расмларда “S” товуши иштирок этяптими? Расмларни кўрамиз, уларни номлаймиз, бўғинларга бўламиз, улар иштирокида гап тузамиз.
-Бу қандай ҳайвон? (сигир)
-Сигир сўзини бўғинга бўл.
-Мен сигир ҳақида гап туздим. “Мен сигирга самон бердим”.
-Сиз сигир ҳақида қандай гап тузган бўлар эдингиз?
(Болалар жавоблари: сигир сут беради; сигир му-му деб мўрайди; сигирнинг бузоғи бор;)
-Баракалла, болалар, ҳозир мен сизга расмлар тарқатаман. Сиз расмга қараб гап тузасиз.
Тарбиячи: - Азиз, сенда қандай расм бор, номла.
Азиз:-менда соат расми бор.
Тарбиячи:соат сўзини бўғинга бўл.
Тарбиячи: Соатнинг яхши, ёмон томонларини айт.
Тарбиячи: Соат сўзида “S” товуши сўзнинг қаерида келяпти?
Азиз: Соат сўзида “S” товуши сўзнинг бошида келяпти.
Тарбиячи:-Соат ҳақида қандай гап туздинг?
Азиз: - соат жиринглади.
Тарбиячи: тузган гапингда нечта сўз бор?
Азиз:тузган гапимда иккита
Сўз бор.
Тарбиячи: қандай сўзлар?
Азиз: - “соат”, “жиринглади”
Тарбиячи: тўғри, Азиз иккита сўздан иборат ган тузди.
Тарбиячи: Тарбиячи шу тариқа болалардан “S” товуши иштирок этган сўзлардан гап тузишларини сўрайди. Болаларнинг сўздаги товушларни тўғри талаффуз қилишларига, тузилган гапда сўзларнинг боғланишига эътибор беради.Машғулот давомида албатта жисмоний дақиқа ўтилиши лозим.
Болалар билимини текшириш ва мустаҳкамлаш учун саволлар
-Бугун болалар, қайси товуш иштирок этган расмларни номладик ва улар ҳақида гап туздик?
-Нечта сўздан иборат гаплар туздик?
-Қайси сўзда “S” товуши сўзнинг бошида келди?
-Қайси сўзда “S” товуши сўзнинг ўртасида келди?
-Қайси сўзда “S” товуши сўзнинг охирида келди?


4-машғулот
Мавзу: Суратлар асосида ҳикоя тузиш: “Уй ҳайвонлари”
Мақсад:
Суратларнинг бири бўйича олдинги ва кейинги воқеаларни ўйлаб ҳикоя тузишга ўргатиш. Ҳикоянинг мазмунли ва тугалланган бўлишига эътибор бериш.
Вазифалар:
Сўзлашув нутқини шакллантириш.Сўзларни аниқ ва бурро айтиш.
Сўзлаётганда тўғри нафас олишни ривожлантириш.Нутқнинг ифодалилигини тарбиялаш.Отларнинг қаратқич келишигида турланишини, кўпликни
ифодаловчи қўшимчани тўғри ишлатишни машқ қилиш.
Тегишли сифатларни ҳосил қилишга ўргатиш, солиштириш
кўникма ва малакасини ошириш.