ЎҚув методика маркази

Бармоқлар машқи
Тарбиячи шеърни ўқиб туради. Болалар ҳаракатни бажарадилар.


Гул
Атиргул эди ғунча,
Очилибди тонг отгунча.

Иккала қўл бармоқ учлари жипслаштирилади.

Кафтлар бироз букилган ҳолатда. Бунда ғунча
шакли ифодаланади
Кафтларнинг пастки қисми бир-бирига жипслаштирилади, бармоқлар доира шаклида кенг очилган ва бироз букилган.Бунда очилиб турган атиргул ҳосил бўлади.
Тарқатма жиҳозлар билан ишлаш. Болаларга гул турларининг суратлари тарқатилади. Болалар ўзларидаги суратда қайси гул тури борлигини, унинг номини айтиб беришлари керак.
“Гулдаcта” ўйини
Болалар давра бўлиб ўтирадилар. Тарбиячи болаларга 4-5 та гулнинг номини (атиргул, райҳон, чиннигул, настарин) навбат билан айтишни ва айтган гулини номини эслаб қолишлари лозимлигини айтади. 1-бола атиргул, 2-бола райҳон, 3-бола чиннигул, 4-бола настарин, 5-бола яна атиргул, 6-бола райҳон... шу тариқа болалар сонига қараб ҳар бир гулнинг номини 4-5 та бола олади. Ҳамма болалар гул номини олиб бўлганларидан кейин ўйин бошланади. Тарбиячи гул номларидан бирини айтади, масалан атиргул. Атиргул номли болалар ўринларидан туриб тезликда бир-бирларининг жойларига ўтириб олишлари керак. Тарбиячи ҳам турганларнинг бирортасининг жойига ўтириб олиши керак. Ўтиролмай қолган бола тарбиячининг ўрнига бошловчилик қилади. Бу жараён такрорланиб боради. Кимдир “гулдаста” деб айтса ҳамма болалар ўринларидан туришлари ва жойларини алмаштиришлари керак.
Гуллар ҳақидаги шеърлар айттириш билан машғулотни якунлаш мумкин.


8-машғулот
Мавзу: “Асалари ҳеч нарса демабди” ҳикояси асосида қайта ҳикоя қилишга ўргатиш
Мақсад:
Асарни мазмунли, мантиқий изчилликда ҳикоя қилишга ўргатиш.
Вазифалар:
Болаларнинг боғланган нутқини ривожлантириш.Сўзлаётганда тўғри нафас олишни ривожлантириш.“S” товушни аниқ ва тўғри талаффуз этиш.
Болаларда ифодали нутқни тарбиялаш.