ЎҚув методика маркази

Тетиклаштирувчи машқ
Тиш ювиш ҳаракатини бажарамиз. Фараз қиламиз қўлимизда тиш ювиш чўткаси бор. Чўткани эринмай пастга, тепага қараб юргазамиз. Олдин ўнг томондаги тишларни, сўнг чапдаги тишларни ювамиз. Тишларнинг орқа тамонини ҳам тозалаймиз.
Болажонлар, энди ушбу шеърни эшитинг.

Тишлар қўшиғи
Ўттиз икки ўртоқмиз, Дурдонамиз, оппоқмиз. Пасту баланд жойлашиб, Турамиз иш пойлашиб. Биз тишлармиз, тишлармиз. Бизлар ўткир ишчимиз, Ўз ишига изчилмиз. Айтайлик шартимиздан Асранглар совуқ муздан! Биргаликда ишлармиз, Тишлармиз ишлармиз. Аскарлардай саф тортиб, Сақлаймиз одоб, тартиб.	Хизматдамиз соғлиққа – Шодликка, дил чоғлиққа. Учратганмиз баъзини Ювмас тишу, оғзини... Тоза тутса эгамиз, Дилдан хизмат этамиз. Биз тишлармиз, тишлармиз Биргаликда ишлармиз, Тишлармиз- ишлармиз.

Саводга тайёрлаш бўйича амалий машқ
Болалар, “G” товушига сўз топ ўйинини ўйнаймиз. “G” товуши ундош товуш. Мен “G” товушини айтганимда истаганча чўзиб айта олмайман.
Оғзимни кузатинг “G”. Товушлар тўсиққа учраса, қисқа айтилса ундош товуш дейилади. “G” товуши қисқа айтилди, тўсиққа учради. Биз яна қандай ундош товушларни ўрганганмиз? (“N”, “L”,”Sh”, “B”, “V”, “Q”…)
Болажонлар, энди “Тез айтишни, кўп айтиш” ўйинини ўйнаймиз.
Гули гулдонда гул келтирди.
Тарбиячи “G” товушининг сўз бошида келган расмларни (гул, гилос, гулхан...) келган расмларни кўрсатади. Болалар тарбиячи билан биргаликда расмларни номлайдилар.
Тарбиячи машғулот якунида барча болаларни рағбатлантиради.