ЎҚув адабиёти овқатланиш гигиенаси фани бўйича ўҚув қЎлланма профессор Г. И. Шайхова таҳрири остида

9. Рацион № 2 қабул қилувчилар учун оқсил, ёғ, углеводларга бўлган талаб қанда?

1. 
   оқсиллар – 63 г
   
2. 
   ёғлар – 50 г
   
3. 
   углеводлар – 185 г
   

НАЗОРАТ САВОЛЛАРИ

1. 
   Ўта зарарли ишлаб чиқариш шароитларида ишловчи ишчилар қабул қилувчи даволовчи-профилактик овқатланиш рационлари.
   
2. 
   Ўта зарарли ишлаб чиқариш шароитларида ишловчи ишчилар саломатлигини меъёрлаштириш усуллари.
   
3. 
   Ўта зарарли ишлаб чиқариш шароитларида ишловчи ишчиларнинг кунлик оқсил, ёғ, углевод, витамин ва минералларга бўлган талаби.
   
4. 
   Кундалик қувватмандликнинг тақсимланиш тартиби.
   
5. 
   Юқори атмосфера босимида ишловчилар организмида функционал ўзгаришларнинг юзага келиш механизми.
   
6. 
   Зарарли шароитларда ишловчиларнинг профилакик овқатланиш турлари.
   
7. 
   Симобли термометрлар ишлаб чиқарувчи корхоналарда ишловчиларнинг профилактик овқатланиши.
   
8. 
   Аккумулятор заводларида ишловчиларнинг профилактик овқатланиши.
   
9. 
   Тиол ферментларнинг қайта тикланишини таъминловчи моддалар.
   
10. 
    Хром бирикмалари билан ишловчилар қандай турдаги маҳсулотларни истеъмол қилишлари лозим?
    

8 - БОБ


ПАРҲЕЗ – ДАВОЛОВЧИ ОВҚАТЛАНИШ
Тўғри ташкил этилган пархез овқатланиш профилактик (ҳимоя) ва даволовчи (реабилитацион) ҳусусиятларидан келиб чиққан холда умумий овқатланиш тизими касалхоналарида, санаторияларда даволаш комплексининг ажралмас элементи ҳисобланади. Унинг тузилиши 2 та асосий мезон асосида бошқарилади – физиологик ва терапевтик, касалликнинг кечиш характери ва патологик жараённинг хусусиятларини ҳисобга олганда 90% ҳолатларда саломатликнинг бузилиши модда алмашинувининг издан чиқиши билан боғлиқдир ва пархез овқатланиш йўқ жойда рационал даволаниш ҳам мавжуд эмас.
Аҳолини тўғри диспансеризация қилиш даволовчи овқатланишни тўғри ташкил этмасдан амалга ошмайди. Ишлаб чиқариш корхоналаридаги пархезли овқатланиш умумий овқатланишнинг бир тури хисобланади ва у ходимларнинг саломатлигини мустахкамлаш учун хизмат қилади хамда ишлаб чиқаришдан ажралмаган холда бемор ходимларга рационьал ёрдам кўрсатилинади.
Даволаш – профилактик муассасалари умумий овқатланиш тизимидаги даволовчи овқатланишни санитар назорат қилиш хамда санитар – гигиеник ва санитария – эпидемияга қарши меъёр ва қоидаларга риоя қилишни назорат қилиш вазифасини ўз ичига олади, шунингдек овқатдан захарланиш ва ўткир ичак инфекцияларидан химоя қилади ва огохлантиради.