Uslubiy ishlanma

Qurol ehtiyot qismlari va asbob-uskunalarining mo‘ljallanishi va tarkibi
Ehtiyot qismlar asboblar va uskunalar (EQAA) tarkibiy qismni doimiy jangovor shayligini ta’minlash, texnik xizmat ko‘rsatish va ta’mirlash uchun xizmat qiladi.

EQAAlarning barcha predmetlari jamlanmalarga bo‘lingan: yakka tartibdagi, guruhiy, maxsus asbob va ta’mirlash jamlanmalari deb yuritiladi.

Yakka tartibdagi jamlanma zambarakni ishlatish, raschet (hisob) kuchi bilan mayda nuqson va nosozliklarni bartaraf etish va jangovor shay xolatda bo‘lishini ta’minlash uchun mo‘ljallangan. Yakka tartibdagi jamlanma har bir zambarakga berilib, har doim zambarak bilan birga bo‘ladi. (A)

Ehtiyot qism, asbob va uskunalar jamlanmasi maxsus yashiklarda saqlanadi va tashiladi. Zambarakning xizmati davomida doimo zarur bo‘luvchi ba’zi uskunalar zambarakning o‘zida joylashtiriladi.

Zambarakga qarashda, mexanizmlarini ta’mirlashda, rostlashda, yoyish va yig‘ishdagi ishlarni bajarishda faqat shtatdagi asbob va uskunalardan foydalanish zarur.

Agar biror bir detalga maxsus asbob bo‘lmasa umumiy asbobdan foydalanish zarur.

(A) Uning tarkibiga: jangovor prujina, zarbdor, toza uvadalar, otish arqoni, bannik shtangasi, bannik, teshgich. yoritgich, portlatgich va kapsyul vtulkasi uchun kalitlar yig‘indisi, saperlar lopatasi, suyuqliklar va moy uchun temir idish, kuvalda, lom va zatvorni chiqarish dastasi kiradi.