Uslubiy ishlanma

1-rasm. Turli ko‘rinishlarga ega lafet
Stvol lafetda barqaror yotishi uchun uni lafetning muhim bo‘lgan qismi – lyulkaga joylashtiriladi. Lyulka (2 - rasm) o‘zining silindrik sapfalari bilan yuqorigi stanokning maxsus teshiklariga qotiriladi. SHunday qilib, lyulka stvoli bilan artilleriya qurolining tebranuvchi (ko‘tarilib tushuvchi) qismini tashkil qiladi.

Lyulka stvolni orqaga tepinganda va oldga qaytganda unga yo‘nalish berish va tepinishga qarshi moslamalar detallarini joylashtirish uchun hamda uni mahkamlashga mo‘ljallangan.

Lyulkaning yo‘naltiruvchi qismi quvur shaklida yoki yo‘lakcha ko‘rinishida bo‘ladi. Yo‘naltiruvchi qismlarining tuzilishi bo‘yicha lyulkalar quvur shaklida va oxur yoki uzun tog‘ora ko‘rinishida bo‘ladi. Lyulkaga ko‘taruvchi mexanizmning tishli sektori, tepinishga qarshi moslamalarning silindrlari va shtoklari hamda muvozanat mexanizmining va nishonga olish mexanizmlarining kronshteynlari qotiriladi (3 - rasm). Bulardan tashqari lyulkada chizg‘ich ko‘rinishidagi tepinish ko‘rsatkichi shkalasi va uning millari joylashadi. Sapfalari yordamida lyulka yuqorigi stanokka mahkamlanadi.



2-rasm. Lyulkalar:
a – qutisimon; b - silindrsimon