Услубий тавсия сузиш ва уни ўҚитиш методикаси

Сузиш ҳаракатларини бошлаш ва юзага чиқиш. Албатта, сузишни сирғаниш тезлиги сузиш тезлигига тенг келиб қолганда ёки хатто ундан бир оз тезроқ бўлганда бошлаш яхши самара беради. Ҳаракатни дастлаб оёқлар бошлаб беради. Кейин ўнг ёки чап қў л билан шундай эшиладики, эшиш охирига этганда тана сув сатхида бў лиши керак.
Бурилишлар: Сузиш билан сув бўйида, ҳовуз ёки кўлларда шуғулланиш мумкин. Ҳовузнинг узунлиги 25-30 метрдан ошмайди, шунинг учун доимо ҳовузнинг нариги четига сузиб борган сузувчи бурилишга мажбур бўлади. Мусобақада тўғри бурилган сузувчи катта ютуққа эришади. Ҳар қандай усулда сузганда ҳам сузувчининг қўли ҳовуз тахтасига бориб тегади. Шундан кейин у, 180 градус бурилиб, иккала оёғи билан ҳовуз тахтасига тепади. Чапга ҳам ўнга ҳам бурилиш мумкин. Сузувчининг ҳар иккала томонга бурила билгани маъқул.
Маълумки сузиш спорти мусобақалари одатда узунлиги 25 ёки 50 метрли бассейнларда, 50 метрдан 1500 метргача масофаларда олиб борилади. Ўз-ўзидан кўриниб турибдики тезлик кўрсаткичини ошириш учун спортчи бурилиш техникасини жуда яхши эгаллаган бўлиши керак. Кимда-ким шу бурилиш жараёнини айтарли қийналмай, куч сарф қилмай ва унумли бажара олса, у бурилишгача сақланиб келган маромни, тезликни бурилганда ҳам давом эттира олади. Бурилиш техникасини яхши эгаллаган сузувчи ҳар сафар бурилганда 0,5-1,0 секунддан вақт тежаб боради. Бинобарин 69 марта бурилганда 29,5-59 секунд тежалган бўлади. Бурилишни қунт билан ўзлаштириб олишнинг аҳамияти шу қадар каттадир.