Услубий тавсия сузиш ва уни ўҚитиш методикаси

Ҳавода учиш. Супачадан оёқлар узилиб сувга тушгунга қадар бўлган ҳолатда ҳавода учиш дейилади. Ҳавода учиш тезлиги ва узоқлиги кўпроқ стартдан чиқиш пайтидаги гавда ҳолатига, дебсиниш кучи ва унинг йўналишига боғлиқ.
Сув ичида старт олиш. Одатда чалқанча ётиб сузиш мусобақаларида сув ичида, яъни бассейн деворидан оёқлар билан дебсиниб старт олинади. Сувдан старт олиш техникаси ҳам юқоридагидек бир неча босқичларни ўз ичига олади. Дастлабки ҳолат огоҳлантирувчи сигналдан сўнг сузувчилар сувга тушиб иккита қўлда махсус тутқичдан ёки супачанинг олд томонидаги ўйиқ жойдан-камгакдан тутиб туради.
Дебсиниш. Сузишга команда бергач, сузувчи тутгични силтаб итариб юборади ва қўлларини юқори кўтариб орқага бир оз икки ёнга ҳаракатлантиради ва шу пайтда бошини орқага ташлаб нафас олади. Оёқларини ҳамма бўғимларидан ёзаркан, зарб билан дебсинади. Сузувчи қанча куч билан дебсинса, унинг ҳавода учиши, сувда сирпаниши шунча олис бўлади, демак, у бу ўринда ютади.
Ҳавода учиш. Сузувчининг ҳавода учиши шартлидир. Чунки у сувдан бутунлай кўтарилмайди: оёқлар панжаси билан болдири сувда қолади. Ҳавода кўтарилиш, яъни учиш бурчагнини гавда билан сув сатхи оралигидаги бурчак тахминан 15-20 Сни ташкил қилади. Сузувчи бутун гавдаси билан имкон борича чўзилиб, бошини яна ҳам орқага ташлаб ортга букилгандек бўлади, кўкрагининг қорнига туташ қисми сал дўнглик ҳосил қилади.
Сувга кириш ва сирғаниш. Юқорида эслаб ўтганимиздек, учишда оёқлар сувдан чиқмайди. Сувга киришда сувдаги оёқлар эни чуқурроқ бота бошлайди ва шу заҳотиёқ қўллар учи сувга тегади. Тана билан сув сатхи оралигидаги маълум даражада масофа қолинади, кейин тана сувга тушади. Сузувчининг сувга ботиши 40-60 см дан ошмаслиги керак.