Услубий тавсия сузиш ва уни ўҚитиш методикаси

Спорт сузиш усулларида стартлар ва бурилишлар техникасига ўргатиш
Старт. Сузиш машғулотларида ва мусобақа вақтида сузувчи махсус старт тумбочкасидан ёки сувдан 30-150 см баланд кўприкчадан сакраб шўнғийди. Старт сакраши анча тез сузиш имкониятини беради. Сувнинг чуқурлиги 2,5-3 метрдан кам бўлмаса, юқорида айтилган баландликдан сакраб ўрганиш мумкин. Саёз жойда шўнғиш жуда хавфлидир, чунки сув тагида урилиб шикастланиб қолиш мумкин. Старт берувчи хуштак чалиб "қатнашчилар ўз жойига ўтсинлар!" деган командани бергандан кейин сузувчилар старт тумбочкаларига чиқиб турадилар. "Тайёрланинг!" деган команда берилгач, тумбочкаларнинг олдинги қисмига ўтиб олиш, оёқ бармоқларини тумбочка қиррасига тираб, тиззани букиб олдинга энгашиб туриш керак. Байроқча ёки старт тўппончаси билан "Ташлангн!" командаси берилгандан кейин қўлларни тезгина олдинга узатиб, оёқлар билан тахтадан қаттиқ депсиниб сакраш, гавданинг тўппа-тўғри туриши, бошнинг олдинга чўзилган икки қўл орасида бўлиши керак. Сувга шундай бориб тушиш керакки, гавда 50-80 см чуқурликда олдинга силжиб борсин. Сув бетига чиққан заҳоти суза бошланг. Крол усулида сузганда сув остидаги тезлик пасайгандан кейин сузувчи оёқларини ишлата бошлайди, нафас олиш учун бошни бурган томондаги қў лни ишлатмай, балки иккинчи томнидандаги қўл билан эшади. Айни шу вақтда нафас чиқарилади. Сузувчи сув устига қалқиб чиқади. Сўнгра оёқ ҳаракатини сусайтирмай, сузувчи суза бошлайди. Биринчи қўл сувга ботирила бошлаганда иккинчиси эшишнинг ярмига этган бўлади. Худди шу пайтда нафас чиқариш тугатилади, нафас олиш учун ён томонга бош бурилади, сузувчи крол усулида сузади.
Старт олиш умуман сузиш мусобақаларида катта ахамиятга эга. Бунинг учун амалда 1.0 секундгача вақт кетади. Спортчиларнинг мувофаққияти кўп жихатдан стартни тўғри олишга боғлиқ. Техник жихатдан тўғри бажарилган старт сузувчига ўз гавдасини қулай ҳолатга сақлаш ва масофа бошида зарурий бўлган тезликка эришишига имкон беради. Одатда, стартнинг икки туридан фойдаланилади: