Ушбу маърузалар матни таълим сощаси «Кимёвий технология ва биотехнология» йыналишларида бакалаврлар тайёрлаш учун «Органик, но

Жараён технологияси

Юқорида кўриб ўтилган виниллаш жараёнлари фақат суюқ фазада амалга оширилади. Бунда тегишли реагентда эритилган 10-20% ли ишқор эритмасидан ацетилен барботирланади. Юқори молекуляр спиртлар ва юқори ҳароратда қайновчи бирикмалар билан бўладиган жараён оддий атмосфера босимига яқин босим остида амалга оширилади. Қуйи молекуляр спиртларни виниллаш учун эса суюқ фаза сақ-ланган ҳолда 0,5 дан 2,0-2,5 МПа босим талаб этилади.
Босим остида содир бўлувчи ушбу жараёнда ацетиленнинг портлаш ҳавфи бўлганлиги учун реакцион аралашмага, портлаш ҳавфини олдини оладиган даражада азот миқдори киритилади. Масалан, винилизобутил эфири синтези учун 35%, винилметил эфири учун эса 55% азот реакцион массага аралаштирилади.
Барча ҳолларда реакцион аппарат барботажли колоннадан иборат бўлиб, ацетилен (Қазот) колоннанинг остки қисмидан киритилади ва суюқ рекцион массани барботирлайди. Эритмага ютилмаган ацетилен колоннанинг юқори қисмидан олиниб, тозаланиб, яна циркуляр компрессор орқали барбатёрга қайтарилади. Иссиқлик реакцион аралашмани буғлатиш билан, буғ эса қайтар совитгичда конденсатлаш орқа-ли бартараф этилади. Конденсат эса реакторга узатилади.
Енгил учувчан винил эфирлар узликсиз равишда реакцион аппаратдан қолдиқ ацетилен билан чиқариб олиниб, конденсатлаш ва ректификатлаш орқали тозаланади. Юқори ҳароратда қайновчи маҳсулотлар суюқ ҳолатда йиғилади ва ундан ҳосил бўлган реагентларни хусусиятлари асосида ажратиб олинади. Масалан, винилкарбазолни реакцион массага эритувчи сифатида метил- ёки диметилциклогексан қўшиб экстракция қилиб олинади. Сўнг эритувчи ҳайдалиб олингач асосий маҳсулот ажратиб олинади.

Назорат учун савол ва топшириқлар:

1. 
   Виниллаш деб қандай жараёнга айтилади?
   
2. 
   Винилацетат қандай усуллар билан синтезланади?
   
3. 
   Акронитрил ва винилацетилен синтезини изоҳланг.
   
4. 
   Виниллаш технологик тизимини тушинтиринг.
   
5. 
   Ишқор катализаторлар билан виниллаш жараёни қандай амалга оширилади?