Ушбу дарс ишланмасида 2017-2021 йилларда Ўзбекистон Республикасини ривожлантиришнинг бешта устувор йўналишлари бўйича ахборот технологияларидан фойдаланиш тартиби акс эттирилган

ЎЗБЕКИСТОН РЕСПУБЛИКАСИ
ХАЛҚ ТАЪЛИМИ ВАЗИРЛИГИ


ФАРҒОНА ВИЛОЯТИ ХАЛҚ ТАЪЛИМИ ХОДИМЛАРИНИ ҚАЙТА ТАЙЁРЛАШ ВА УЛАРНИ МАЛАКАСИНИ ОШИРИШ
ИНСТИТУТИ
ИЖТИМОИЙ- ИҚТИСОДИЙ ФАНЛАР КАФЕДРАСИ



2017-2021 йилларда Ўзбекистон Республикасини
ривожлантиришнинг бешта устувор йўналишлари бўйича
ҲАРАКАТЛАР СТРАТЕГИЯСИ
бўйича 2 соатлик дарс ишланмаси

Тузувчи: Ў.Аҳмедова

Тақризчилар: Т. Қурбонов
У.Собирова
Ушбу дарс ишланмасида 2017-2021 йилларда Ўзбекистон Республикасини ривожлантиришнинг бешта устувор йўналишлари бўйича ахборот технологияларидан фойдаланиш тартиби акс эттирилган. Ушбу дарс ишланмасида таълимнинг замонавий талабларини ҳисобга олган ҳолда маъруза ва семинар машғулотларини ўқитишда педогогик технологиялардан фаол усул, Т-схема, ақлий ҳужум, муаммоли, кўргазмали, ахборат маърузалар усулларидан фойдаланишнинг услубий томонлари ёритилган. Дарс ишланмаси таълим муассасаларининг хусусан мактаб ўқитувчилари учун мўлжаллаб тузилган.

КИРИШ

2017 йил 7 февраль куни Ўзбекистон Республикаси Президенти Шавкат Мирзиёевнинг “Ўзбекистон Республикасини янада ривожлантириш бўйича Ҳаракатлар стратегияси тўғрисида”ги фармони имзоланди.

Унда жумладан шундай дейилади, “Мамлакатимизда мустақиллик йилларида амалга оширилган кенг кўламли ислоҳотлар миллий давлатчилик ва суверенитетни мустаҳкамлаш, хавфсизлик ва ҳуқуқ-тартиботни, давлатимиз чегаралари дахлсизлигини, жамиятда қонун устуворлигини, инсон ҳуқуқ ва эркинликларини, миллатлараро тотувлик ва диний бағрикенглик муҳитини таъминлаш учун муҳим пойдевор бўлди, халқимизнинг муносиб ҳаёт кечириши, фуқароларимизнинг бунёдкорлик салоҳиятини рўёбга чиқариш учун зарур шарт-шароитлар яратди.
Иқтисодиётда маъмурий-буйруқбозликка асосланган бошқарув тизимидан мутлақо воз кечилиб, бозор ислоҳотлари босқичма-босқич амалга оширилгани ва пул-кредит сиёсати пухта ўйлаб олиб борилгани макроиқтисодий барқарорликни, иқтисодиётнинг юқори суръатлар билан ўсишини, инфляцияни прогноз кўрсаткичлари даражасида сақлаб қолишни таъминлади ҳамда кичик бизнес ва хусусий тадбиркорлик, фермерлик ҳаракатини ривожлантириш учун кенг имкониятлар ва қулай шароитлар яратилишига хизмат қилди.
Айни вақтда мамлакатимиз босиб ўтган тараққиёт йўлининг чуқур таҳлили, бугунги кунда жаҳон бозори конъюнктураси кескин ўзгариб, глобаллашув шароитида рақобат тобора кучайиб бораётгани давлатимизни янада барқарор ва жадал суръатлар билан ривожлантириш учун мутлақо янгича ёндашув ҳамда тамойилларни ишлаб чиқиш ва рўёбга чиқаришни тақозо этмоқда”. Шу муносабат билан юртимизнинг барча таълим муассасаларида ва кенг жамоатчилик билан ўрганилаётган ушбу “Ҳаракатлар стратегияси” 2017 йил “Халқ билан мулоқот ва инсон манфаатлари йили”да яна ҳам аҳамиятлидир.
Дарс ишланмаси бўйича ўқитиш технологиялари лойиҳалаштирилган:

1. 
   маъруза машғулотларини олиб боришнинг кириш-маъруза, мавзу асосида маъруза, муаммоли маъруза, визуаллаштирилган маъруза ва якунловчи маърузалар кўринишлари қўлланилиши;
   
2. 
   амалий машғулотларни олиб боришнинг топшириқларни индивидуал тарзда ёки гуруҳда бажарилиши, вазиятли ишланма, назарий билимлар асосида билимлар ва кўникмаларни чуқурлаштиришга йўналтирилган амалий топшириқларни бажарилиши.
   

Юқорида таъкидлаб ўтилганидек мазкур дарс ишланмаси барча мактаб тизими бўйича ва малака ошириш курсларида, ўқитиш технологиясида кўзда тутилган шароитлар ва вақти мавжуд бўлган ҳолда ўқитувчилар томонидан қўлланилиши мумкин.

2017-2021 йилларда Ўзбекистон Республикасини ривожлантиришнинг бешта устувор йўналишлари бўйича ҳаракатлар стратегияси бўйича 2 соатлик дарс ишланмасининг ўқитишдан мақсад ва вазифалари.

Ушбу дарс ишланмасидан “Ҳаракат стратегияси” нинг назарияси, предмети ва методи кўриб чиқилган бўлиб, мамлакатимизда комил инсонни тарбиялаш ҳар томонлама етук мутахассисларни тарбиялаш унинг асосий мақсади ҳисобланади.