Қурилиш материаллари ва конструкциялари ишлаб чиқаришда сифат назоратини ташкил қилиш

Qurilish materiallari va konstruksiyalari ishlab chiqarishda sifat nazoratini tashkil qilish


Reja:

1.Texnik nazoratni asosiy vazifalari

2.TNB funksiyasi va tuzilishi
3.Texnik nazoratni asosiy turlari va ob’ektlari
4.Sinov laboratoriyasini tashkil qilish
1.Texnik nazoratni asosiy vazifalari
Qurilish materiallari va konstruksiyalarini yuqori sifatini ta’minlash uchun, doimiy faoliyat ko‘rsatadigan ishlab-chiqarish nazoratini yo‘lga qo‘yish lozim.
Ishlab chiqarish nazoratini yaxshi yo‘lga qo‘yilishi orqali nuqsonlar hosil qilishga olib keluvchi sabablarni aniqlash va ularni bartaraf qilishga, ishlab chiqarish yuqotishlarini, hamda mahsulot tannarxini kamayishiga olib keladi.
Ishlab chiqarish nazoratini faoliyati to‘laligicha konstruktiv, mustahkamlik va boshqa fizik-mexanik xususiyatlari bo‘yicha o‘sib borayotgan talablarga javob bera oladigan yuqori sifatli mahsulot tayyorlanishiga qaratilishi lozim.
Asosiy va yordamchi ishlab chiqarish jarayonini barcha bosqichlarini kamrab oluvchi ishlab chiqarish nazorati texnologik jarayonni ajralmas bir qismi hisoblanadi. Ishlab chiqarish nazoratini asosiy vazifalari quyidagilardan iborat:
- zavodga kelayotgan material va yarim tayyor mahsulotlarni sifatini nazorat qilish;
- texnologik jarayonni belgilangan rejimida har bir bajarilayotgan operatsiyada DAST va texnik shartlar talablari bajarilishini nazorat qilish;
- tayyorlanayotgan mahsulot sifatini texnik hujjatlar (ishchi chizmalar, texnik shartlar, DAST va boshq.) talablariga mos kelishini nazorat qilish;
- qabul qilingan mahsulotlarni markirovka qilish va yaroqsiz deb topilgan mahsulotlarni hujjatlashtirish.
Ishlab chiqarish jarayonini va kelayotgan mahsulotlar sifatini nazorati shunday tashkil qilinishi kerakki, bunda sifatli xom ashyodan sifatli mahsulot tayyorlanishini ta’minlovchi sharoit bo‘lishini ta’minlash va nuqsonli mahsulot chiqishiga olib keluvchi har qanday sharoitga yo‘l qo‘ymaslik lozim.
Texnologik jarayonni tashkil qilinishi, materiallar va yarim tayyor mahsulotlarga, hamda ishlab chiqarishni har bir bosqichidagi nazoratning ketma-ketligiga bo‘lgan talablar har bir ishlab chiqarilayotgan mahsulot uchun mavjud bo‘lgan texnik shart va texnologik kartalarda keltirilishi lozim.