Urganch filiali

E_K (A) - A ni GOST 28147-89 shifrlash algoritmidan foydalanib K kalitda shifrlash natijasi, H ∊ V₂₅₆(2) - berilgan boshlang’ich vektor.

GOST R 34.11-94 xesh funksiyasini hisoblash uchun quyidagilar zarur:

• 
  qadamli xeshlash funksiyasi x : V₂₅₆ (2) x V₂₅₆ (2) →V₂₅₆ (2) ni hisoblash algoritmi;
  
• 
  xesh qiymatni iterativ hisoblash jarayoni.
  

Qadamli xeshlash funksiyasi uch bosqichda hisoblanadi. Birinchi bosqichda uzunliklari 256 bit bo’lgan to’rtta K₁, K₂, K₃, K₄ kalit generatsiya qilinadi. Ikkinchi bosqichda boshlang’ich H vektor har birining uzunligi 64 bit bo’lgan to’rtta blokka ajratiladi va bu bloklar mos K₁, K₂, K₃, K₄ kalitlar bilan GOST 28147-89 algoritmi yordamida shifrlanadi. Uchinchi bosqichda shifrlash natijasini aralashtiruvchi akslantirish bajariladi.

O’z DSt 1106 : 2009 xeshlash funksiyasi. Ushbu standart axborotni qayta ishlash va muhofaza qilishning kriptografik metodlarida, shu jumladan avtomatlashtirilgan tizimlarda axborot uzatish, qayta ishlash va saqlashda elektron raqamli imzo protseduralarini amalga oshirish uchun qo’llaniladigan ikkilik simvollarining istalgan ketma-ketligi uchun xeshlash funksiyasining algoritmini va hisoblash protsedurasini belgilaydi [8,9].

Xeshlash funksiyasida modul arifmetikasining bir tomonlama funksiyasi qo’llaniladi, u bo’yicha hisoblashlar darajaga ko’tarish amallaridagi kabi aynan o’sha mehnat sarfi darajasida oson amalga oshiriladi, funksiyani invertirlash (teskarilash) esa, (A, B) noma’lum parametrda diskret logarifm muammosini yechish jarayoniga nisbatan ko’proq hisoblashlar sarfi va vaqtni talab qiladi. Ko’paytirish, darajaga ko’tarish va teskarilash kabi asosiy amallar yangi bir tomonlama funksiyada parametr bilan ko’paytirish, darajaga ko’tarish va teskarilash deb nomlangan. Darajaga ko’tarishning bir tomonlama funksiyasi ushbu bir tomonlama funksiyaning xususiy holidir. Xeshlash funksiyasida parametr (koeffitsient) sifatida natural sonlar uchligidan (A, B, R) foydalaniladi.

Ushbu xeshlash funksiyasida kirish ketma-ketligining uzunligi 128 yoki 256 bitga karralidir, chiqish ketma-ketligi va xeshlash kaliti qayd etilgan 128 yoki 256 bit uzunlikka ega. Ushbu standartda kirish, chiqish va xeshlash kalitining boshqa uzunliklariga yo’l qo’yilmaydi.

Xeshlash funksiyasida quyidagi parametr va funksiyalar foydalaniladi [16]:

1.