Urganch Davlat Univеrsitеti Fizika-matеmatika fakultеti «5111018-Kasb ta’limi: Informatika va axborot texnologiyalari» yo‘nalishi

Masalaning qo‘yilishi. BMI mavzusi “Yii frameworkni o‘rgatuvchi dastur yaratish” bo‘lib, talabalar uchun oddiy va qulay interfeysli o‘rgatuvchi dastur yaratish va uni ta’lim jarayonida qo‘llash.
Bitiruv malakaviy ishning maqsadi. Talabalar uchun zamonaviy dasturlash muhitlari yordamida “Yii frameworkni o‘rgatuvchi dastur yaratish” va uni multimediali vositalar bilan boyitish.
Mavzuning dolzarbligi. Hozirgi vaqtda Respublikamizda axborot texnologiyalariga bo‘lgan e’tibor va ta’lim berishda axborot texnologiyalaridan unumli foydalanish dolzarb masalalardan biri hisoblanadi. Shu maqsadda dasturlashni osonlashtirish uchun kerak bo‘ladigan frameworklarni o‘rgatuvchi dastur yaratish dolzarb masala hisoblanadi.
Amaliy ahamiyati. Bu ishda yaratilgan Yii frameworkni o‘rgatuvchi dastur asosiy vosita sifatida qo‘llanilishi mumkin. Talaba alohida sahifa yaratish muharrirlarida emas, balki o‘rgatuvchi dasturda amaliy ishlashi va bosqichlarni bajarib, o‘zini tekshirib ko‘rishi mumkin.
Kutilayotgan natijalar. Yaratilgan o‘rgatuvchi dasturiy vositadan “Web-dasturlash”, “Ma’lumotlar bazasini boshqarish” va “Masofaviy ta’lim texnologiyalari” fanlari mashg‘ulotlarida foydalanish va bu orqali talabalar bilim va ko‘nikmalarinini shakllantirish asosiy natijalardan biri hisoblanadi.
Ilmiy izlanishning dolzarbligi: Hozirgi kunda sifatli dastur yaratish uchun tillari bilan birgalikda frameworklarni ham o‘rganish va ta’lim jarayonida axborot texnologiyalarini qo‘llash orqali talabalarning bilimini oshirish masalasi dolzarb hisoblanadi, shu jumladan Yii frameworkni o‘rgatuvchi o‘zbek tilida yaratilgan dasturlar kamligi sababli mazkur ish dolzarb mavzulardan bo‘lib hisoblanadi.
Ilmiy izlanishning maqsad va vazifalari: Yaratilayotgan dastur internet tizimida foydalanish uchun mo‘ljallangan ya’ni dasturdan foydalanuvchilar o‘zlari xohlagan vaqtda xohlagan joyda dastur imkoniyatlaridan foydalanib bilishlari mumkin. Shularni e’tiborga olgan holda Yii frameworkni o‘rgatuvchi dasturni online dastur sifatida yaratishni maqsad qilib qo‘yildi. Ishning asosiy vazifasi shundan iboratki dasturdan foydalanuvchilarni ro‘yxatdan o‘tkazish uchun ma’lumotlar bazasini tuzulmasini yaratish va olingan bilimlarni tekshirishni amalga oshirish.