Uo‘K: 62(075) kbk

14.19-rasm. Payvand birikmalarni ultratovush usuli bilan tekshirish: a—sxema, b– defektoskopning umumiy ko‘rinishi, d – ossillograf ekra­ nidagi signallar (chapda—nuqsonsiz chok, o‘ngda—darz va yopishmagan chok); 1 – sinaladigan namuna, 2 – priyomnik, 3 – generator,
4 – kuchaytirgich, 5 – boshlang‘ich impuls, 6 – nuqsondan qaytgan signal, 7 – qalbaki signal, 8 – kengaytirish generatori, 9 – nurlatgich.

4. Magnit defektoskopiya

Nazoratning magnit usullari ferromagnit ashyolar uchun qo‘llaniladi. Bu usul elektrmagnit maydon bilan nazorat qilina- yotgan obyektning o‘zaro aloqasi tahlil natijalari va o‘lchashlariga asoslangan (14.20-rasm).



14.20-rasm. Payvand chokdan o‘tayotgan magnit oqimning yo‘l chizig‘i:
a – nuqsonsiz; b – nuqson mavjud bo‘lganda.

Magnit usulida nazorat qilish quyidagi usullarga ajraladi: mag- nit-kukunli, magnit-grafik va uyurma toklar bilan nazorat qilish usuli. Magnit-kukunli usul. Po‘lat yoki cho‘yan buyumning pay- vand choklari moy hamda zarralarining o‘lchamlari 5–10 mkm bo‘lgan magnitli temir kukunidan hosil qilingan aralashma sur- kaladi. Buyum atrofiga o‘ralgan bir necha cho‘lg‘am orqali tok

o‘tkazib magnitlanadi. Nuqsonni o‘rab olgan magnit maydoni ta’siri ostida temir kukunining zarralari nuqsonlar atrofida zich- roq to‘planadi (14.21-rasm).