Uo‘K: 4(100) (075) kbk: 63. (0) R-17 Rajabov, Ravshan Jahon tarixi

KARFAGEN MIL.AVV. IX–III ASRLARDA

1. Karfagen tarixining ilk davri. 2.Karfagen – G‘arbiy 

O‘rtayer dengizidagi Finikiya koloniyalarining markazi. 

3. Qudratli Karfagen davlatining tashkil topishi. 4. Karfa-

gendagi ijtimoiy-iqtisodiy munosabatlar (mil.avv. V–III asr-

lar). 5. Karfagenning siyosiy tuzumi. 6. Qadimgi Karfagen 

madaniyati.

1. Karfagen tarixining ilk davri. Mil.avv. II–I ming yilliklar 

oralig‘ida finikiyaliklar G‘arbiy O‘rtayer dengizida ilk koloniya-

larni barpo qila boshladilar. Mil.avv. I ming yillik boshlaridagi 

Finikiyaning Ispaniyadagi koloniyalari Gades, Afrikadagi Utika 

shaharlari yirik savdo-hunarmandchilik markazlariga aylandi. 

Tir shahri yoshlari mil.avv. 814–825-yillarda Shimoliy Afrika-

da (hozirgi Tunis hududi) Karfagen (Karxamish – «Yangi sha-

har») koloniyasiga asos solgan edilar. Dastlab ko‘chib kelganlar 

yersizlikdan qiynalib, mahalliy aholi yerlarida yashash huquqi 

uchun pul to‘lashga majbur bo‘ldilar. Shahar boyib borishi bi-

lan uning atrofidagi yerlar mahaliy aholidan sotib olina bosh-

landi yoki bosib olindi. O‘rtayer dengizida savdo va dengiz 

yo‘llari kesishgan qulay joyda joylashgan Karfagen asta-sekin 

kuchaya boshladi.