Unli tovushlar va ularning yozuvdagi ifodasi

Topshiriq. Quyidagi so‘zlarni to‘g‘ri talaffuz qiling.

Idish, idora, ijod, ilon, imlo, imzo, igna, inson, iroda, imkon, ixtiro, ixcham, ixtiyor, iqtisod, iqlim, himoya, ahil, ruhiy, hikoya, og‘ir, bag‘ir, qo‘ng‘ir.

6. E e harfi til oldi, lablashmagan, o‘rta keng unli tovushni yozuvda berish uchun xizmat qiladi. Kirill alifbosida Ээ shakliga ega edi. Asosan so‘zning boshida uchraydi: el, eshik, ekin, ertak, erkak, elak kabi. Yangi alifboga o‘tilgandan so‘ng har ikkala holatda ham bir harf qo‘llanadigan bo‘ladi. Shuningdek, o‘zlashma so‘zlar o‘rtasi va oxirida ham uchraydi: poeziya, poema, duet, duel, karate kabi.