Unli tovushlar va ularning yozuvdagi ifodasi

Topshiriq. Quyida berilgan so‘zlarni to‘g‘ri talaffuz qiling.

Obod, odat, odim, oila, oktabr, olim, omonat, oqim, operator, orol, oson, ozod, ochiq, og‘ir, ochko, ocherk, podshoh, poema, qassob, qor, qozon, sochiq, toza, bozor. 

3. Uu harfi lablashgan, til orqa, tor unli tovushning yozuvdagi ifodasidir. Kirill alifbosida Уу ko‘rinishiga ega edi. Rus tilidagi [y] tovushiga nisbatan qisqaroq talaffuz etiladi: kuz, uz, buz, uzun kabi.

Topshiriq.  Quyidagi so‘zlarni to‘g‘ri talaffuz qiling.

Ukki, ulug‘, umid, umuman, urush, uslub, ustoz, uyqu, uzoq, uzum, ushoq, uch, uchqun, mushuk, muchal, quduq, quvur, qum, quruq, buzoq, burun, buyrak, tugun, kukun.   

4. O‘o‘ harfi lablashgan, til orqa, o‘rta keng unli tovushni ifodalaydi. Kirill yozuviga asoslangan alifboda Œ œ ko‘rinishiga ega edi. Rus tilida bunday tovush yo‘q. Shunga ko‘ra bu tovushni [o] va [y] unli tovushlari o‘rtalig‘idagi tovush deb hisoblash mumkin. Asosan so‘zning boshida ko‘proq uchraydi, o‘zlashma so‘zlar oxirida ham uchrab turadi: o‘n, o‘lka, o‘rtoq, qo‘rq, to‘rt, bo‘g‘in, cho‘qqi, qo‘pol, navro‘z, obro‘ kabi.