Universiteti no‟kis filiali

 Lektsiyanin’ didaktikaliq waziypasi
Lektsiyada temanin‟ tiykarg‟i sorawlari izbe-izlik tiykarinda jaratiladi. 
A‟lbette, lektsiyanin‟ metodikaliq ta‟repten jaratiliwi, bayan etiliwi qoyilg‟an 
ma‟qset, u‟yrenilip atirg‟an pa‟nnin‟, temanin‟ o‟zine say o‟zgeshelikleri menen 
baylanisli. Lektsiya qanday pa‟ndi oqitiwinan qattiy na‟zer, ilimiy xarakterlerge 
iye boliwi, ha‟r tu‟rli teoriyaliq jo‟nelisler, ilimiy mekteplerdin‟ tiykarg‟i 
ideyalarin talabalar sanasina jetkiziwi ha‟m alg‟an bilimin isenimge aylandiriwi 
kerek. Ha‟r qanday lektsiyanin‟ en‟ za‟ru‟r sha‟rti auditoriya menen sa‟wbetke 
kirisiw esaplanadi. Lektsiya oqiw, en‟ das‟lep og‟an tayarlaniwdan baslanadi. Bul 
ushin birinshi na‟wbette, lektsiya temasi boyinsha a‟debiyatlar tan‟law ha‟mde olar 
menen tanisip shig‟iw kerek. Ekinshiden, pa‟n boyinsha islep shig‟ilg‟an 
da‟stu‟rge ko‟re, lektsiya rejesi ha‟m reje boyinsha tekst tayarlaniwi ha‟mde 
sabaqti o‟tkiziwde qollanilatug‟in metodlardi tan‟lap shig‟iw, sabaq protsessin 
texnologiyaliq sistema sipatinda quramin, izbe-izligin aniqlaw lazim.
Lektsiyada sabaqti u‟sh toparg‟a bo‟liwi mu‟mkin:
1. Kirisiw
. Alding‟i lektsiyada ne u‟yrenilgen, onin‟ na‟tiyjesi neler menen 
baylanisli, bu‟gingi sabaqqa qanday ma‟qset ko‟zlenip atir? Da‟slep sabaq alding‟i 
tema menen baylanisadi, son‟ tema ja‟riyalanadi. Lektsiya rejesi, o‟z betinshe oqiw 
ushin tiykarg‟i ha‟m qosimsha a‟debiyatlar dizimi usinis etiledi. Temani 
u‟yreniwdegi tiykarg‟i termin, tu‟sinikler, o‟z betinshe orinlanatug‟in jumislar, 
tapsirmalar beriledi.
2. Tiykarg’i kurs.
Bul kurs lektsiya rejesine ko‟re tan‟lang‟an sabaq o‟tiw 
metodlarin qollag‟an halda o‟tkeriledi. Tin‟lawshilarg‟a bekitilgen informatsiyalar 
jetkiziledi.
3. Juwmaqlawshi kurs
. Lektsiyag‟a qisqasha juwmaq jasaladi, talabalar 
diqqati ushin belgili temadag‟i en‟ tiykarg‟i tu‟sinik, itibar qaratiliwi mu‟mkin 
bolg‟an ta‟repler, ha‟diyseler bayan etiledi. Qoyilg‟an ma‟qsetke qay da‟rejede 
erisildi, - bul analiz etilip bahalanadi.

---

Lektsiyalardin‟ didaktikaliq waziypasina qarap: kirisiw, temalar boyinsha, 
jol ko‟rsetetug‟in, analizli, juwmaqlawshi lektsiyalarg‟a boliwi mu‟mkin.