Universiteti ilmiy izlanuvchisi assistent

Tadqiqot natijalarining ishonchliligi shundan iboratki, yaratilgan katalizatorlarni tahlil qilishda rentgenfazoli, skanirlovchi elektron mikroskopiya, element tahlili, derivatografik va termik tahlil usullaridan foydalanganligi, moddalarni sifatiy va miqdoriy tahlil qilishda gaz xromatografik tadqiqot usullarining ishlatilganligi, ishlatilgan asbob-uskunalarning zamonaviyligi, eksperimental tadqiqotlarda standartlashtirilgan metodikalarning qo‘llanilishi, nazariy va eksperimental natijalarning bir xilligi ishonchli natijalar olishni ta’minlaydi.
Tadqiqot natijalarining ilmiy va amaliy ahamiyati. Tadqiqot natijalarining ilmiy ahamiyati Navbahor bentonitidan “Zol-gel” va gidrotermal sintez usullarida yuqori kremniyli seolit olish usullarining ishlab chiqilganligi va u asosida neft va tabiiy gazni suv bug‘laridan quritish va oltingugurtli birikmalardan tozalash uchun ishlab chiqilgan katalizatorning tekstur va sorbsion xossalari, fizik-kimyoviy xarakteristikalari hamda tozalash jarayoni qonuniyatlarini o‘rganilganligi bilan izohlanadi.
Tadqiqotning amaliy ahamiyati neft va tabiiy gazni suv bug‘laridan quritish va oltingugurtli birikmalardan tozalash uchun adsorbsion tozalash jarayonining asoslari ishlab chiqilgan.
Neft va tabiiy gazni suv bug‘laridan quritish va oltingugurtli birikmalardan yuqori kremniyli seolitlar bilan bir vaqtda tozalash jarayoni texnologiyalari asoslari va texnologiyasi ishlab chiqilganligi, hamda olingan mahsulotlarni kimyo sanoatining turli tarmoqlarida foydalanishga tavsiya etishdan iborat.
Ilmiy rahbari: prof. N.Fayzullayev.
Ilmiy maslahatchi: t.f.n. N.X.Musulmonov.