Universiteti ilmiy izlanuvchisi assistent

Tadqiqotning respublika fan va texnologiyalari rivojlanishining asosiy ustuvor yo‘nalishlariga bog‘liqligi. Mazkur tadqiqot Respublika fan va texnologiyalari rivojlanishining VII «Kimyo texnologiyalari va nanotexnologiyalari» ustivor yo‘nalishiga muvofiq bajarildi.
Dissertatsiya mavzusining dissertatsiya bajarilayotgan oliy ta’lim va ilmiy-tadqiqot muassasasining ilmiy-tadqiqot ishlari bilan bog‘liqligi.
Dissertatsiya tadqiqoti Samarqand davlat universitetining ilmiy-tadqiqot ishlari rejasining “Tabiiy va sintetik materiallarni sintez qilish, tekshirish va qayta ishlashning yangi usullari” qismi va OT-A12-46 « Mahalliy xomashyolardan olingan yuqori kremniyli seolitlarning struktur va sorbsion xossalari » (2019-2021 yy) mavzusidagi amaliy loyihasi doirasida bajarilgan.
Tadqiqotning maqsadi. tabiiy gaz va neftni Navbahor bentoniti asosida olingan yuqori kremniyli seolitlar yordamida oltingugurtli birikmalari va suv bug‘laridan tozalash jarayonining qonuniyatlarini o‘rganish, texnologik jarayonlarni tanlash, asoslash hamda takomillashtirish texnologiyasini ishlab chiqishdan iborat.
Tadqiqotning vazifalari.
-Navbahor bentonitidan “Zol-gel” va gidrotermal sintez usullarida yuqori kremniyli seolit olish usullarini ishlab chiqish va uning fizik-kimyoviy xarakteristikalarini o‘rganish;
-olingan yuqori kremniyli seolitga turli metallarning tuzlarini yuttirish orqali neft va tabiiy gazni suv bug‘laridan quritish va oltingugurtli birikmalardan tozalash uchun ishlab chiqilgan katalizatorning tekstur va sorbsion xossalarini o‘rganish;
bentonit xom ashyosini qayta ishlash bo‘yicha texnologik jarayonlarni umumlashtirish, fizik-mexanik xossalari ta’sirini o‘rganish va boshqa xususiyatlari to‘g‘risidagi ma’lumotlarni tahlil qilish asosida bentonitlarni o‘zgartirish texnologiyasini ishlab chiqish;
-neft va tabiiy gazni suv bug‘laridan quritish va oltingugurtli birikmalardan yuqori kremniyli seolitlar bilan bir vaqtda tozalash jarayoni qonuniyatlarini o‘rganish hamda sanoat muhitiga yaqin bo‘lgan sharoitlarda, yangi avlod silikagellarining solishtirma faolligini aniqlash;
-yuqori kremniyli seolitlar asosida olingan katalizatorlarda neft va tabiiy gazni suv bug‘laridan quritish va oltingugurtli birikmalardan adsorbsion tozalash texnologiyalari asoslarini ishlab chiqish, ishlab chiqilgan jarayonning texnik-iqtisodiy samaradorligini aniqlash.