Uning salomatligi

©
erv sistemasining asosiy funksiyalarini ayting.

Nerv sistemasi qanday tuzilgan?

O
m
rqa miyaning joylashishi va tuzilishini tushuntiring.

36. 
    §. Bosh miya
    

+ Miya qismlari, miya po‘stlog‘i
Bosh miyaning ahamiyati haqida tushuncha. Odamning bosh miyasi uning aql-idroki, fikrlash qobiliyati, ongi kabi muhim ruliiy xususiyatlarining fiziologik asosi hisoblanadi. U tashqi va ichki muhit ta’sirini analiz-sintez qilib, ularga javob qaytaradi. Tananing barcha to‘qima va organlari ish faoliyatini bir-biriga bog‘lab boshqaradi, organizm bilan tashqi muhitning aloqasini ta’minlaydi.
Bosh miyaning tuzilishi va funksiyasi. Bosh miya bosh su- yagining ichida joylashgan bo‘lib, og‘irligi katta odamda 1020—1970 g gacha bo‘ladi. Shuni ta’kidlash kerakki, bosh miyaning katta- kicliikligi odamning aqlini, ish qobiliyatini belgilamaydi.
Odamning aqliy faoliyati bosh miya katta yarimsharlarining po‘stloq qismida joylashgan nerv hujayralarining murakkab fizio­logik, biokimyoviy va biofizik xususiyatlariga bog‘liq. Shuningdek, odam aqliy faoliyatining rivojlanishi uning yoshlikdan tarbiyasi, bilim olishi, mashq qilisliiga bog‘liq.
Bosh miya ikki qismdan iborat: bosh miyaning stvol (ustun) qismi va bosh miya katta yarimsharlari. Bosh miyaning stvol qismiga uzunchoq miya, Varoliyev ko‘prigi (miya ko‘prigi), o‘rta miya, oraliq miya hamda miyacha kiradi (63-, 64- rasmlarga qarang).
Uzunchoq miya bosh miyaning eng pastki qismi bo‘lib, uning quyi qismi orqa miyaga, yuqori qismi esa miya ko‘prigiga tutashgan. Uning uzunligi 3—3,5 sm, massasi o‘rtacha 7 g bo‘ladi. Uzunchoq miyaning shikastlanishi nafas olishning va yurak ishining to‘xtab qolisliiga sabab bo‘ladi.
Miya ko'prigi uzunchoq miyaning ustki qismida joylashib, yuqori tomon­dan o‘rta miya, yon tomondan miyacha bilan tutashib turadi. Miya ko‘prigida uchlik, ko‘z soqqasini va yuz muskul- larini harakatlantiruvchi nervlarning markazlari joylashgan.