Умуртқалилар зоологияси фанининг предмети, ўрганаѐтган объекти ва вазифалари

3. Кўкрак тожлилар катта туркуми - Carinatae 
Бу қушларнинг деярлик ҳамма турлари учади, айримлари иккиламчи марта учиш 
қобилиятини йўқотган. Тўш суягида кўкрак тожи суяги бор, териларида аптерияси бор, 
иккинчи тартибли толаларида илмоқчалар бор. контур патларида елпиғичлари бор. 
найсимон суякларининг ичи бўш ва бу бўшлиқ ҳаво билан тўлдирилган. 
Кўкрак тожли қушларга 8500 тур киради ва 35 та туркумга бўлинади. 
Қуйида шулардан энг муҳимларига тўхтаб ўтамиз. 
1. Гагарасимонлар туркуми - Gaviformes 
Бу туркумга яхши сузувчи ва шунғувчи, аммо яхши учаолмайдиган ва 
яхши юраолмайдиган типик сув қушлари киради. Оѐқлари гавдасининг 
кейинги томонида жойлашганлиги туфайли қуруқликда гавдаси деярли қия 
ҳолатда бўлади. Учта бармоғи яхлит сузгич парда билан қўшилган, гавдаси 
узунчоқ-қайроқсимон, патлари жуда зич, тумшуғи узун, тўғри ва ўткир. 
Гагарасимонларнинг 5 та тури бўлиб, шимолий ярим шарларнинг шимолий 
ва ўрта кенглигидаги сув ҳавзаларида тарқалган. Балиқлар ва сувдаги 
умуртқасиз ҳайвонларни 25 м чуқурликда шўнғиб тутиб ейди. Сув бўйига 
қурган уяларига 2 та тухум қўяди ва иккала жинси навбатлашиб 28 кун 
давомида босади. Тухумдан чиққан жўжалари сузиш қобилиятига эга бўлади. 
Типик вакили қора тамоқ гагара (Gavia arctica). 
2. Қўнғирсимонлар туркуми - Podicipediformes 
Бу қушларнинг ҳар қайси бармоғи терисимон алоҳида сузгич парда 
билан ўралган бўлиши билан гагаралардан фарқ қилади. Патлари жуда зич 
бўлади. Булар ҳам ерда юраолмайди. Булар қамишдан сузувчи уя қуради. 
Уясида 4-6 та тухуми бўлади. Тухумларини иккала шериклари эркаги ва 
урғочиси босади. Тухумдан чиққан жўжалари йўлли пар билан қопланган 
бўлади ва ўз тарбиячилари билан сузади. Қўнғирсимонларни 20 та тури 
бўлиб, шулардан 5 тури МДҲ да учрайди. Булар ер юзида кенг тарқалган. 
Типик вакили катта қўнғир ѐки чомга (Podicept cristatus)дир.