Umumta’lim muassasalari direktorlari lavozimiga nomzodlarni xalq deputatlari tuman (shahar) Kengashlariga tavsiya etish sxemasi

O‘zbekiston Respublikasi Xalq ta’limi vazirining 2020-yil “_____” __________dagi ________-sonli buyrug‘iga 2-ILOVA

Umumta’lim muassasalari direktorlari lavozimiga nomzodlarni xalq deputatlari tuman (shahar) Kengashlariga tavsiya etish
SXEMASI

Bosqichlar		Subyektlar		Chora-tadbirlar		Bajarish muddatlari
1-bosqich		Tuman (shahar) xalq ta’limi bo‘limlari yoki hududiy xalq ta’limi boshqarmalari		Bo‘sh (vakant) direktor lavozimi uchun e’lon berish Tanlov o‘tkazish to‘g‘risida e’lon vakant lavozimlar to‘g‘risidagi ma’lumotlar vazirlik, hududiy bo‘linmalarning rasmiy veb-sayti va ijtimoiy tarmoqlaridagi e’lon sahifalarida joylashtiriladi. Ehtiyojdan kelib chiqib davriy nashrlarda joylashtiriladi. Tanlovda ishtirok etish bo‘yicha nomzodlarning arizalarini qabul qilish muddati tanlov e’lon qilingan kundan boshlab 15 ish kunini tashkil qiladi. Tanlovda ishtirok etish bo‘yicha arizalar kelib tushmagan taqdirda, arizalarni qabul qilish muddati avtomatik tarzda 15 ish kuniga uzaytiriladi.		Bo‘sh (vakant) lavozim yuzaga kelgandan boshlab 3 ish kunida
2-bosqich		Hududiy xalq ta’limi boshqarmalari		Nomzodlarning malaka talablariga mosligini o‘rganish Taqdim etilgan hujjatlar asosida nomzodlarning bo‘sh (vakant) direktor lavozimini egallash uchun belgilangan malaka talablariga mosligi o‘rganiladi.		Ariza qabul qilish muddati tugagan kundan e’tiboran 5 ish kunida
3-bosqich		Hududiy xalq ta’limi boshqarmalari		Nomzodlarni tavsiya etish Maktab direktori lavozimiga nomzodlar tegishli xalq deputatlari tuman (shahar) Kengashlariga tavsiya etiladi.		Ariza qabul qilish muddati tugagan kundan e’tiboran 10 ish kunida
4-bosqich		Hududiy xalq ta’limi boshqarmalari		Lavozimga tayinlash Xalq deputatlari tuman (shahar) Kengashlari bayonnomasi asosida tanlovdan o‘tgan nomzodlarni maktab direktori lavozimiga tayinlash to‘g‘risida buyruq qabul qilinadi.		Kengash bayonnomasini olgandan so‘ng 3 ish kunidan kechiktirmay