1. Un zavodida har bir ish kunida 250 qop un ishlab chiqariladi. Har bir qop unning massasi 50 kg dan bo’lsa, un zavodi har bir ish kunida necha kilogramm un ishlab chiqaradi

3-SINFLAR UCHUN MASALALAR

1.Un zavodida har bir ish kunida 250 qop
un ishlab chiqariladi. Har bir qop unning
massasi 50 kg dan bo’lsa, un zavodi har
bir ish kunida necha kilogramm
un ishlab chiqaradi.

2.Yo’lovchi poyezdda Nukusdan Toshkentga
kelayotgan edi ( masofa taxminan 900 km),
U yo’l bo’yidagi ko’rsatkich belgiga qarab,
Toshkentgacha 80 km qolganini bildi.
Shu vaqt poyezd Nukusdan qancha uzoqda
bo’lgan?

3.Ikki poyezd ikki shahardan bir-biriga qarab
Yo’lga chiqdi. Uchrashguncha birinchi
poyezd 652 km, ikkinchi poyezd esa undan
274 km ortiq yo’l bosdi. Bu shaharlar
Orasidagi masofa necha kilometr?
4.Bir maktabda 590 o’quvchi, ikkinchi maktabda esa birinchidagidan 270 ta ko’p o’quvchi o’qiydi.
Ikkala maktabdagi barcha o’quvchilar nechta?

5.Baliqchilar birinchi kuni 165 kg, ikkinchi
kuni 182 kg, uchinchi kuni 210 kg baliq
tutishdi. Baliqchilar uch kunda necha
kilogramm baliq tutishgan? Agar bu
baliqlarning har bir kilogrammi taxminan 300 so’mdan sotilgan bo’lsa, necha so’mga baliq sotilgan?
6.Gul do’koniga sotish uchun 640 tup gul
ko’chati keltirildi. Birinchi kuni 14300 so’mga, ikkinchi kuni 49700 so’mga gul ko’chati sotilgani ma’lum bo’lsa, har bir gul ko’chati necha
so’mdan sotilgan?
7.Uchta tokchada 424 ta kitob bor.
Birinchi tokchada 142 ta, ikkinchisida undan
14 ta ortiq kitob bor. Uchinchi tokchada nechta
kitob bor?

8.Do’konda 285 ta katakli daftar sotildi. Bu esa sotilgan bir chiziqli daftarlardan 142 ta
kam. Do’konda katakli va bir chiziqli daftarlardan hammasi bo’lib nechta
sotilgan?

9.Bir bola 3 ta kitob o’qidi. Ular
hammasi bo’lib 745 betli. Birinchi
kitob 264 betli, ikkinchisi undan
46 bet kam. Uchinchi kitob necha betli?

10.Maktab oshxonasiga 9 qop kartoshka va
6 qop piyoz keltirildi. Qoplarning
og’irligi bir xil,40 kg dan.
Maktab oshxonasiga necha kg sabzavot keltirilgan?

11.Maktab kutubxonasidagi bir shkafda
180 ta, ikkinchisida undan 50 ta kam,
Uchinchi shkafda esa birinchi va ikkinchi
shkafda qancha bo’lsa, shuncha
kitob bor.Uchala shkafda nechta kitob bor?

12.O’ramda 240 m sim bor edi.
Simning uchdan bir bo’lagi
qirqib olindi. O’ramda qirqib
olinganidan necha marta ortiq sim qolgan?
13.Qishloqda 120 ta yog’och uy,
undan 35 ta ortiq g’ishtlik uy bor.
Qishloqda hammasi bo’lib nechta uy bor?