Umumiy psixologiya” fanidan yakuniy nazorat variantlari

“Umumiy psixologiya” fanidan yakuniy nazorat variantlari
Вариант № 9
1) Yosh va pedagogik psixologiyaning o‘qituvchi faoliyatida tutgan o’rni.
2) Oilaviy shaxslararo munosabatlarning muammolari.
3) Qobiliyatlar tuzilishi.
4) Psixologiya fanining taraqqiyoti tarixi.
5) Muloqotning interaktiv tomoni.
Tayanch so’z va iboralar:
Yosh, pedagogic psixologiya, o’qituvchi faoliyati, oila, shaxs, munosabat, qobiliyat, layoqat, iqtidor, iste`dod, talant, geneallik, muloqot, interaksiya, ta`sir.
Kafedra mudiri: dots. Sharafutdinova X.G.
Tuzuvchi: G’afforova D.J.

1) O‘qituvchilarning yosh davrlari psixologiyasi fanini o‘rganishlari muhim nazariy va amaliy ahamiyatga ega, Chunki, pedagogik faoliyat bilan shug‘ullanish o‘qituvchidan o‘z o‘quvchilarining psixologik xususiyatlarini bilishni, ta’lim faoliyatining muayyan bosqichida bola psixikasida sodir bo‘ladigan o‘zgarishlar va taraqqiyotni hisobga olgan holda ta’lim-tarbiyani tashkil etishini talab qiladi.
Yosh davrlari psixologiyasi va pedagogik psixologiya fanlari mushtarak, bir-biriga uzviy bog‘liqdir, Chunki, ularning har ikkisi bitta umumiy jarayonni-ulg‘ayib borayotgan insonning psixik faoliyati hamda uning xulq-atvorini tadqiq etadi. Biroq, shunday bo‘lsa-da, bu ikki faol psixologiya ilmining mustaqil sohalari hisoblanib, ularning har biri o‘z predmeti va tadqiqot vazifalariga egadir.
Yosh davrlari psixologiyasi ontogenezdagi turli yosh davrlari psixik taraqqiyotining umumiy qonuniyatlarini, psixik rivojlanishi hamda psixologik xususiyatlarni o‘rganadi.
Ontogenez-(yunoncha, ontos-mavjud, jon zot; genezis- kelib chiqish, paydo bo‘lish) –individning paydo bo‘lishidan umrining oxirigacha psixik rivojlanish jarayoni.
Yoshning ulg‘ayib borishi, psixik jarayonlarning inson rivojlanishidagi qonuniyatlari, undagi etakchi omillar hamda inson hayot yo‘lining turli bosqichlarida uning shaxsiga xos xususiyatlar yosh davrlari psixologiya fanining tadqiqot predmeti hisoblanadi. Ma’lumki, shaxs tarkib topish jarayonining psixologik qonuniyatlarini, uning ilmiy asoslarini mukammal bilmay turib, ta’lim va tarbiyaning nazariy hamda amaliy masalalarini muvaffaqiyatli hal etib bo‘lmaydi. Yosh davrlar psixologiya fani bu borada ham o‘ziga tegishli masalalarni tor eksperimental ravishda o‘rganish bilan cheklanib qolmay, balki o‘z muammolarini inson hayoti va faoliyatining tabiiy sharoitlarida bolaga beriladigan ta’lim va tarbiyaning mazmun va mohiyatidan kelib chiqqan holda o‘rgansa, yanada muvaffaqiyatli rivojlanishi mumkin.
Hozirgi vaqtda pedagogik psixologiyaning muhim