Umumiy o‘rta ta’lim

Maktab gulzorida

Maktab gulzorida turli xil gullar bo‘ladi. Gulzorda chinnigul, qo‘qongul, rayhon, shoyigul va atirgul o‘sti- riladi. Biz gulzordagi gullarni parvarish qilamiz.
Gullardan atirgul ko‘p yillik bo‘lib, kuz oxirida uning novdalari kesiladi. Bahor kelib, kunlar iliy boshlashi bilan atirgul barg chiqara boshlaydi. Ular o‘sib, yangi novda, poyalarga aylanadi.
Poyalardan yana novdalar ko‘karib, barglar bilan birga g‘unchalar o‘sib chiqadi. Atirgul may oylarida ochila boshlaydi. Uning guli chiroyli, hidi esa juda xushbo‘y bo‘ladi.
Erta bahordan boshlab vaqti-vaqti bilan gulzordagi barcha gullarning tagi yumshatilib, sug‘orib turiladi. Ular orasidan o‘sib chiqqan begona o‘simliklar yulib tashlanadi.


72
Amaliy ish

1. 
   Manzarali daraxtlarning bargi, urug‘-mevalari bilan tanishib chiqing.
   
2. 
   Manzarali butalarning bargi, urug‘-mevalarini ko‘rib chiqing.
   
3. 
   Gulzor o‘simliklarining bargi, urug‘-mevalarini to‘plang.
   

Tayanch so‘zlar: manzarali daraxtlar, eman, chinor, akatsiya, oqqayin, terak, tol, manzarali butalar, ligustrum, tuya, atirgul, chinnigul, marmarak (nargis), rayhon, qo‘qongul, kartoshkagul, gulbeor.


Savollar

1. 
   Sizning ko‘changizda qanday manzarali daraxtlar o‘sadi?
   
2. 
   Yashil devor hosil qilish uchun qanday manzarali butalar ekiladi?
   
3. 
   Maktab gulzorida qanday gullar bor?
   
4. 
   Atirgul qanday parvarish qilinadi?
   

Topshiriq
Manzarali daraxt va butalarga hamda gulzorda o‘sadigan o‘simliklarga 5 tadan misol toping va ularni daftaringizga quyidagi jadval shaklida yozing: