Umumiy o'rta ta'lim sifatini oshirish: mazmun, metodologiya, baholash va ta'lim muhiti

642

 

 

"Umumiy o'rta ta'lim sifatini oshirish: mazmun, metodologiya, baholash va ta'lim muhiti"  

xalqaro onlayn ilmiy-amaliy konferensiya materiallari 

 

yechishga  qaratilgan  bo‘lishi  zarur.  Rangli,  matni  jihatidan  yengil  va  imkoniyat 

doirasidagi raqamli kontent mana shu talablariga javob berishi zarur. 

Savol:  Raqamli  kontent  integratsiya  qilingan  darslik  qanday  bo‘lishi  kerak?  U 

qanday  talablarga  javob  beradi?  Dars  jarayonida  undan  qanday  foydalanamiz  va 

umuman, uning qanday foydali yoki zararli tomonlari bor? 

Fikrimizcha, bugungi kun yangi avlod darsligi: 

1)  o‘quv  dasturi  va  o‘quv-metodik  qo‘llanmalarda  qo‘yilgan  talablarga  javob 

berishi;  

2) maʼlum o‘quv kursi (yoki uning bir qismi)ning mazmunini ochib berishi hamda 

pedagogik  va  o‘quv-metodik  maqsadlarga  erishishga  imkon  bera  oladigan  darajadagi 

hajmga ega bo‘lishi; 

3)  o‘quv-metodik  maqsadlarga  erishishga  yordam  beruvchi  vizual  elementlarga 

ega bo‘lishi; 

4)  undagi  matnda  giperko‘rsatmalarning  mavjudligi  bilan  birga,  zarur  hollarda 

Web-manba va boshqa axborot resurslariga ulangan bo‘lishi; 

5)  materialni  o‘zlashtirish  darajasining  taʼlim  oluvchi  tomonidan  mustaqil 

baholanishiga  imkon  beruvchi  nazorat  savollari  va  avtomatlashtirilgan  sinov 

tizimlarining integratsiyalashganligi;  

6)  ko‘plab  tillarda  ishlash,  shuningdek,  imkoniyati  cheklangan  bilim  oluvchilar 

uchun maxsus sharoitlar yaratilgan bo‘lishi; 

7)  internet  va  boshqa  manbalarga  tezkor  o‘tish  imkoniyatini  yaratish  uchun  Qr 

Code bilan taʼminlanganligi; 

8)  mikro  va  makrojarayonlarni  vizuallashtirish  uchun  to‘ldirilgan  voqeʼlik 

elementlari darslik bazasiga integratsiya qilingan bo‘lishi; 

9)  imkoniyat  doirasida  masofadan  o‘qitish  tizimiga  moslashtirilgan  va  raqamli 

kontent bilan integratsiyalashgan bo‘lishi; 

10) o‘qituvchi va o‘quvchi o‘rtasidagi qaytar aloqani taʼminlash tizimiga ulanish 

imkoniyatining mavjudligi;  

11) taʼlim beruvchi tomonidan taqdim etilgan o‘quv materiallarini taʼlim oluvchi 

tomonidan  o‘rganilganligini  (statistika)  qayd  etish  imkoniyati,  shu  bilan  birga,  darslik 

bazasiga qo‘shimcha materiallarni ulash uchun texnologik yechimlar: Qr Code, raqamli 

target,  video,  test,  taqdimot,  darsni  to‘ldiruvchi  qo‘shimcha  material  va  shu  kabi 

elementlar integratsiya qilinishi maqsadga muvofiq. 

Qayd  etilgan  imkoniyatlar,  asosan,  texnologik  jihatdangina  sanab  o‘tilgan. 

Fikrimizcha,  umumtaʼlim  maktablari  darsliklarining  eng  muhim  jihatlaridan  biri  bu  – 

mehnat  bozorida  yuzaga  kelayotgan  “trend”larga  yo‘naltirilganligidir,  yaʼni  “yangi 

kasb”larni egallashga yo‘naltirilgan bo‘lishi. Bunga qanday erishiladi? Biz hunar maktabi 

emasmiz-ku? Shundoq ham, amaldagi darsliklarning yuklamasi katta! Bu borada savollar 

juda ko‘p. Bunga javob berishga harakat qilamiz.  

---