Umumiy o'rta ta'lim sifatini oshirish: mazmun, metodologiya, baholash va ta'lim muhiti

BUGUNGI TA’LIM YANGICHA MAZMUN TAQOZO ETMOQDA  

BIOLOGIYA DARSLIGI MISOLIDA 

 

Xoliqnazarova Z., Tillayeva Z., 

Respublika ta’lim markazi biologiya fani metodisti va o‘qituvchi  

 

Zamonaviy  fikrlaydigan,  yuqori  saviyali,  o‘zlashtirgan  bilimlarini  amaliyotda 

qo‘llay oladigan kadrlarni yetishtirish hozirgi kun talabidir. Shu maqsadda O‘zbekiston 

Respublikasi  Prezidentining  Farmoniga  binoan  “O‘zbekiston  Respublikasi  xalq  ta’limi 

tizimini 2030-yilgacha  rivojlantirish konsepsiyasi” qabul  qilingan. Konsepsiyaga  ko‘ra 

O‘zbekiston Respublikasining xalq ta’limi tizimi sifatini oshirish hamda o‘quvchilarning 

bilim darajasini baholashda PISA, TIMSS, PIRLS kabi xalqaro dastur va tadqiqotlarda 

ishtirok etishini ta’minlash ko‘zda tutilgan. O‘z navbatida, xalqaro baholash dasturlarida 

ishtirok etish uchun o‘quvchilarning bilim darajasini talab darajasida rivojlantirish kerak. 

Bu  jarayonda  darsliklarning  zamonaviy,  innovatsion  tarzda  tayyorlanishi  muhum 

ahamiyatni kasb etadi. 

Tabiiy  fanlarni  o‘qitishdagi  xalqaro  tajribani  o‘rganish  asosida  ta’lim  jarayoni 

spiralsimon yo‘nalishda olib borilishi, 1-6-sinflarda “Science” (tabiiy fanlar – biologiya, 

kimyo, fizika, geografiya) fani sifatida integratsiyalashgan holda o‘qitilishi kuzatildi. 7-

9 sinflarda umumiy biologik tushunchalar, 10-11 sinflarda esa tabiiy yo‘nalishni tanlagan 

talabalar uchun biologiyani chuqurlashtirilgan yo‘nalishda o‘qitilishi ma’lum bo‘ldi.  

Germaniya 5-6 sinf darsliklarida tiriklik xossalari (harakat, moddalar almashinuvi, 

ko‘payish  va  b.);  hujayra,  to‘qima,  organ  haqida  dastlabki  tushunchalar;  o‘simlik  va 

hayvonlar sistematikasi; o‘simlik va hayvonlar tuzilishining tashqi muhitga moslashuvi; 

foydali o‘simliklar; odam tanasining tuzilishi va sog‘liqni saqlash; o‘simliklarni o‘stirish, 

hayvonlarni boqish; atrof-muhit muhofazasi tushunchalari berib boriladi. 

---