Umumiy o‘rta ta‘lim muassasalarida Aqliy rivojlanishida muammolari bo‘lgan bolalar uchun tashkil etiladigan korreksion sinflar uchun tayanch o‘quv dasturlari

Musiqa savodi elementlari
Musiqa madaniyati darslari mazmunida o‘quvchilarning musiqa savodxonligini tarkib toptirish muhim maqsadlardan biri hisoblanadi. Chunki musiqa savodi darsning ta‘limiy vazifasini bajaradi va o‘quvchilar musiqa bilimining o‘ngli takomillashuviga katta yordam beradi. Boshlang‘ich sinflarda musiqa savodining ayrim elementlari tanishtiriladi (baland, past ovozlar, baland va ohista jaranglash, grafik yozuvlar) bular dasturning “jamoa bo‘lib kuylash” yoki “musiqa tinglash” bo‘limiga kiritiladi.
Ilg‘or o‘qituvchilarning tajribasi har bir qo‘shiq, tinglanayotgan har bir asar materiallarini tanlash zarurligidan dalolat beradi. Radio tinglash, kinoga borish, teleko‘rsatuvlarni ko‘rish-bularng barchasi musiqa darslari bilan birgalikda bir umumiy maqsad – o‘quvchilarga musiqa ta‘limini berishga xizmat qilishi kerak. Har bir maktabda musiqa to‘g‘aragini tashkil qilish, o‘quvchilar bilan musiqali suhbat o‘tkazib turish, bolalarning umumiy musiqaviy rivojlanishlarigagina emas balki yordamchi maktablarning korreksion vazifalarini xal qilishga yordam beradi.
O‘QUV DASTURI
I SINF
O‘quvchilar o‘quv faoliyati natijalariga qo‘yiladigan talablar:
skripka (sol) kalitini nota yo‘lidagi joylashuvini biladi;
tovushlarni to‘g‘ri kuylay oladi;
milliy (doira, nog‘ora, karnay, surnay) cholg‘ularni bir-biridan farqlaydi;
yetti tovush nomi va ularning ketma-ketligida kuylay oladi;
turli kichik hajmdagi qo‘shiqlarni kuylay oladi.
(33 soat, haftasiga 1soat)
Biz yoqtirgan kuy va qo‘shiqlar (9 soat)
Musiqa faniga kirish. Musiqa fani va xonasi. darsda o‘tirish, kuylash madaniyati.
Musiqa tinglash. “O‘zbekiston Respublikasi Davlat madhiyasi” A.Oripov she’ri, M.Burhonov musiqasi.
Jamoa bo‘lib kuylash: “Vatanjonim-vatanim” P.Mo‘min she’ri, D.Omonullayeva musiqasi.
Musiqa savodi: Tovushlarni to‘g‘ri talaffuz qilish. (a, u, o, i, ye) unli tovushlar. “Vatanjonim-vatanim” qo‘shig‘i mualliflari, qo‘shiq harakteri, mazmuni haqida to‘liq ma‘lumot berish.