Umumiy o‘rta ta‘lim muassasalarida Aqliy rivojlanishida muammolari bo‘lgan bolalar uchun tashkil etiladigan korreksion sinflar uchun tayanch o‘quv dasturlari

III. Bo‘lim (20 soat)
Loy yoki plastilin bilan ishlash (5 soat). Amaliy ish. Namunaga qarab “xo‘tikcha” yasash. Namuna (o‘yinchoq)ga qarab “mushuk”, “olmaxon” yasash. Mustaqil ravishda namunaga qarab “fil” yasash. Ixtiyoriy biror-bir hayvonning shaklini yasash.
Texnik ma‘lumot. Havyonlar to‘g‘risida sodda ma‘lumotlar berish: tuzilishi, jun bilan qoplanganligi, hayot tarzi. Xayvonlarning umumiy va farq qiluvchi belgilari. Hayvonlar qomatining praportsiyasi.
Ish usullari. Ko‘rilayotgan shakldagi oddiy geometrik shakllarini aniqlash: oval, shar. Buyum praportsiyasini (mutanosiblikni) aniqlash. Yumshoq xomashyoga qo‘l va moyqalam bilan ishlov berish. Dumaloqlash, yoyish, ezish, chimdish. Bo‘laklarni ezish orqali birlashtirish.
Tabiiy materiallar bilan ishlash (3 soat). Archa g‘uddasi, urug‘ ya plastilin yordamida pingvin yasash. Urug‘ va danaklardan devoriy bezak yasash: “Tovus”, “Shaftoli gulladi”.
Momiq doirachalar bilan ishlash (3 soat). Momiq doirachalardan applikatsiya yasash: Tovuq, O‘tloqdagi quyoncha. Xohishga ko‘ra rasmga qarab applikatsiya yasash.
Qog‘oz va karton bilan ishlash (6 soat). Amaliy ish. Applikatsiya usulida yuk mashinasini yasash. Xohishga qarab boshqa turdagi mashinalarni yasash. Karton va rangli qog‘oz bilan tabriknomalar yasash. “8-Mart”, “Navro‘z keldi”, “Qushlar” va “Gullar” applikatsiyasi.
Texnik ma‘lumotlar. Qog‘oz turlari va xususiyati. Rangli qog‘ozni tejamli ishlatish. Yelimlash vositalari. Ranglarni moslash. Qaychi va yelim bilan ishlaganda xavfsizlik qoidalariga rioya qilish.
Ish usullari. Andoza yoki chizg‘ich yordamida qog‘oz va kartonga belgi qo‘yish. Qaychi yordamida egri va to‘g‘ri chiziq bo‘ylab qirqish. Qog‘oz varag‘ida to‘g‘ri mo‘ljal olish.
Gazlama va ip bilan ishlash (3 soat). Kirish mashg‘uloti. Gazlama va ip turlari, xususiyati va ishlatilish joyi. Tikuvchi kasbi to‘g‘risida tushuncha. Karton qog‘oz ustida gazlamalar kolleksiyasini tuzish. Kvadrat yoki to‘rtburchak shaklidagi andoza yordamida gazlamani bichishni mashq qilish. Gazlamadan applikatsiya yasash: Moychechak gullari, Geometrik shakllardan uy.