Umumiy kimyo va fizika

SO ionlarining reaksiyalari
Sulfat-ion SO sulfat kislota H₂SO₄ ning anionidir. Sulfat kislota kuchli kislota bo’lib kuchi jihatidan faqat galogenid kislotalar HCl, HBr, HJ va nitrat kislotadan bir oz pastroq turadi.
Sulfat kislotaning bariy, strontsiy, kalsiy va qo’rg’oshin tuzlari suvda qiyin eriydi. Boshqa sulfatlar yaxshi eriydi. Na₂SO₄ va K₂SO₄ eritmalari neytral muhit va aksincha, NaHSO₄ va KHSO₄ ning 0,1 n. eritmalari kislotali muhit (pH 2) hosil qiladi. SO rangsiz iondir.
Bariy xlorid BaCl₂ (Ba²⁺ ioni) SO ioni bo’lgan eritmalar bilan oq cho’kma BaSO₄ hosil qiladi. Bariy sulfat kuchli kislotaning tuzi bo’lib suvda qiyin eriydi, kislotalarda esa erimaydi. Bu bilan BaSO₄ boshqa hamma ionlarning bariy tuzlaridan farqlanadi; uning ana shu xossasidan SO ionini topishda foydalaniladi.


CO ionlarining reaksiyalari
Karbonat-ion CO erkin holatda ma’lum bo’lmagan karbonat kislota H₂CO₃ ning anionidir. Bu kislota o’z tuzlaridan olinganda batamom angidrid (CO₂) va suvga parchalanib ketadi. H₂CO₃ juda kuchsiz kislota bo’lganidan ishqoriy metallarning karbonatlari ishqoriy muhitga ega. H₂CO₃ ning o’rta tuzlaridan faqat kaliy, natriy va ammoniy tuzlari suvda eriydi. Boshqa gruppa kationlari CO ioni ta’sirida o’rta va asosli tuzlar holida, ba’zilari (masalan Al , Cr , Ti ) esa gidroksidlar holida cho’kmaga tushadi. Na₂CO₃ va K₂CO₃ gidrolizlanishi tufayli bu tuzlarning 0,1 n. eritmalari kuchli ishqoriy muhitga (pH 11,6) ega bo’ladi CO rangsiz iondir.
Bariy xlorid BaCl₂ CO ionini oq cho’kma BaCO₃ holida cho’ktiradi. Bu cho’kma HCl, HNO₃ va CH₃COOH da eriydi va bunda CO₂ ajralib chiqadi.