Umumiy harbiy majburiyat va harbiy xizmat to‘G‘risida

23-modda. Harbiy xizmat muddatlari
Harbiy xizmat muddatlari kalendar hisobda:
a) askar, serjant va starshinalar uchun: xizmatni chaqiruvga binoan o‘tayotganlarga — 18 oy
(oliy ma’lumotli shaxslar uchun — 12 oy), birinchi bitimga binoan o‘tayotganlarga 3-yil;
b) askar, serjant lavozimlaridagi xotin-qizlar uchun — birinchi bitimga binoan kamida 3 yil;
v) praporshchiklar uchun — birinchi bitimga binoan kamida 5 yil;
g) harbiy xizmatga zaxiradan chaqirilgan ofitserlar uchun 12 oy, harbiy xizmatga ixtiyoriy
ravishda kelganlar uchun — kamida uch yil qilib belgilanadi. Ushbu moddada belgilangan harbiy
xizmat muddati tugaganidan so‘ng bu xizmat ofitserlarining istagiga ko‘ra davom ettirilishi
mumkin.
24-modda. Harbiy xizmatning boshlanishi va tugashi
1. Chaqiriluvchilar va zaxiradan chaqirilgan ofitserlar uchun — harbiy qismga jo‘nash
maqsadida mudofaa ishlari idoralariga kelgan kun;
xotin-qiz harbiy xizmatchilar uchun — mudofaa ishlari idoralarining ko‘rsatmasiga muvofiq
xizmat joyiga jo‘nab ketilgan kun;
Oldingi
 tahrirga qarang.
harbiy xizmatga majbur bo‘lgan chaqiriluvchilar uchun O‘zbekiston Respublikasi Mudofaa
vazirligi, Ichki ishlar vazirligi, Milliy xavfsizlik xizmati harbiy o‘quv yurtlariga, shuningdek O‘zbekiston
Respublikasi Davlat bojxona qo‘mitasi va Davlat soliq qo‘mitasi harbiylashtirilgan o‘rta maxsus,
kasb-hunar ta’lim muassasalariga o‘qishga qabul qilingan kun harbiy xizmatning boshlanishi
hisoblanadi.
(24-moddaning 1-bandi uchinchi xatboshisi O‘zbekiston Respublikasining 1998-yil 29-avgustdagi 681-I-
sonli 
Qonuni
 tahririda — Oliy Majlis Axborotnomasi, 1998-y., 9-son, 181-modda)
2. Harbiy qism komandirining buyrug‘iga binoan harbiy xizmatdan bo‘shatilishi, iste’foga
chiqishi munosabati bilan shaxsiy tarkib ro‘yxatidan chiqarilgan kun – harbiy xizmatchi uchun
harbiy xizmatning tugashi hisoblanadi.