Умумий ўртатаълим мактаб амалиётчи психологлари малакасини ошириш курсининг мутахасисслик буйича давлат талаблари, ЎҚув-мавзу режа, дастур

Касб танлашда иккиланаётган ўқувчилар учун маслаҳатлар
Меҳнат бозоридаги ҳолатни таҳлил қилинг. Йилдан-йил янги касблар пайдо бўлаётганлигига эътиборингизни қаратинг. Доимий малакани ошириш, қўшма касбларни эгаллашга тўғри келишига тайёр бўлинг.
Ҳозирги кунда, Сиз мактабни тугатаётган пайтда касб танлашингиз, Сизнинг тақдирингизни бутунлай ҳал қилади деб қўрқманг. Кейинроқдаги танловдаги ўзгаришлар, янги мутахассисликни ўзлаштириш, Сизни фанлараро фаолият бўйича қимматли мутахассис қилади.

Биринчи касб, гарчанд Сиз кейинроқ ундан воз кечишингиз ва ўзингиз учун қизиқроғини топсангиз ҳам ҳаётнинг турли кутилмаган ҳолатларида Сизга асқотади. Бундан ташқари, эътибор қилинг-ки, ҳар бир эркак учун уйда чилангар ҳам, сартарош ҳам, электрчи ҳам, ҳайдовчи ҳам бўлишга тўғри келади. Аёллар учун эса, тикувчи, ошпаз, кир ювиш ва бошқа маиший машиналар “оператори” бўлишга тўғри келади

Албатта, касбнинг нуфузлилиги у ёки бу ҳолда Сиз томонингиздан инобатга олинади, лекин буни ўзингизнинг қизиқишларингиз ва қобилиятларингиз, соғлиғингизнинг ҳолатини ҳисобга олгандан сўнг амалга оширинг. Меҳнат биржасидаги бўш ўринлар тўғрисидаги газеталарни таҳлил қилиш жуда фойдали (у ерда одатда ҳар бир бўш ўрин учун қайси таълим лозимлиги кўрсатилади).

Шундай касблар борки, улар Сизга мос келмайди, чунки улар сизнинг соғлиғингизни ёмонлаштириши мумкин. Бундай касблар кўп эмас ва улар асосан у ёки бу жисмоний тизимларнинг узоқ муддатли зўриқишини талаб этади.

Ўзингиз танламоқчи бўлган касбнинг моҳият ва мазмунини ўрганиб чиқинг. Шу касб билан кунма-кун узоқ йиллар давомида шуғулланишингиз лозимлигини кўз олдингизга келтиринг.
Касб танлашда ва ҳаёт тарзига аниқловчи таъсир кўрсатишда, яъни лавозимга эришишда ҳар бир инсон ўзининг келажакдаги касбий меҳнатини фуқаролик мажбурияти сифатида англаши, ўз мамлакатининг ва ўз оиласининг манфаатлари йўлидаги ҳиссаси, давлатнинг ва ота-оналарнинг бизнинг ўсиб улғайишимизга ва ўқишимизга сарфлаган харажатларини қайтариш сифатида англашимиз лозим

“Сиз ўзингизнинг бўлажак касбингизни биласизми?”

Машғулот мақсади
Шахсий касбнинг шаклланишини ўрганиш


Машғулотнинг бориши

Қатнашчиларга қоғоз ва қалам тарқатилади, Иштирокчилар агар танлаган касблари бўлса, қоғознинг юқори қисмига ёзишлари таклиф этилади, ҳали бирор бир касбни танламаган бўлса, ўзига ёққан бирор касбни ёзиш таклиф этилади., шундан кейин қатнашчилардан қуйидаги анкета бўйича саволларга “ҳа” ёки “йўқ” деб жавоб беришлари талаб қилинади. Жавобларни қоғознинг пастки қисмига ёзиш таклиф этилади

Танлаган касбингиз мазмун-моҳиятини биласизми?
Танлаган касбингиз бўйича қайси ўрта махсус таълим муассасасида таълим олиш кераклиги ҳақида биласизми?
Касбни эгаллаш учун иқтидор, қобилиятингиз етарлими?
Танлаган касбингиз учун билимингиз етарлими?
Танлаган касбингиз учун, ўқув фанларини чуқур ўзлаштириш керак деб ўйлайсиз?
Танлаган касбингиз бўйича меҳнатга қараб ҳақ тўлаш ва малакангиз ошириш лозимлиги ҳақида биласизми?
Агарда анкетанинг 40-60 % жавоблари яхши натижага эга бўлса, ўз олдига қўйилган мақсадга эришилган ҳисобланади. Агарда қониқарсиз жавоб бўлса, индивидуал маслаҳатлар олишингизни маслаҳат берамиз.


Психопрофилактик ўйин “Касблар занжири”


Мақсад:
Турли хил касблар ва улар ўртасидаги ўзаро боғлиқлик, меҳнат фаолиятининг умумий айрим турлари ҳақида маълумот бериш ҳамда ўқувчиларнинг мантиқий тафаккурини ривожлантириш