Умумий ўртатаълим мактаб амалиётчи психологлари малакасини ошириш курсининг мутахасисслик буйича давлат талаблари, ЎҚув-мавзу режа, дастур

Дарс жараёни ва унинг босқичлари:

Ишнинг номи	Бажариладиган иш мазмуни		Метод	Вақт (дақиқа)
1-босқич: Ташкилий қисм.	Танишув ва давоматни аниқлаш		Танишув	5
2-босқич: Рефлексия. Эҳтиёжларни аниқлаш	Мавзу бўйича савол-жавоб орқали тингловчиларнинг ушбу мавзуга тайёрлиги ва эҳтиёжлари аниқланади		Савол-жавоб	10
3-босқич: Янги мавзунинг баёни	Мавзуни режа асосида ёритиш: 1. Хулқи оғишган ўқувчилар психологияси. Мактаб психологи ишида хулқи оғишганликни диагностика ва психокоррекцияси амалга ошириш йўллари ҳақида маълумот бериш 2. Мактаб психологи ишида хулқи оғишганликни диагностика методикалар хусусиятлари 3. Хулқи оғишган ўқувчилар билан психокоррекция методларини амалда қўллаш ҳақида		Слайдлар асосида маъруза. Ақлий хужум Ўзаро тажриба алмашиш	25 3 7
4-босқич: Мустаҳкамлаш	Тарбияси қийин болалар билан ишлаш жараёнда мутахассислар учун зарур тарбия амалларидан фойдаланиш тартиби.		Гуруҳларда ишлаш.	10
5-босқич: Баҳолаш. Дарс якуни	Гуруҳлар тақдимоти таҳлили ва уларни баҳолаш Хулоса (савол-жавоб, фикр-мулоҳазалар ва таклифлар)		Гуруҳларни баҳолаш Савол-жавоб	10 5
6-босқич: Мустақил бажариш учун топшириқлар (уйга вазифа)	Мавзуга оид тестлар Тегишли адабиётлар тавсия қилинади.		Оғзаки	15

дарс материаллари

3.3.7. Мавзу: Хулқи оғишган ўқувчилар психологияси. Мактаб психологи ишида хулқи оғишганликни диагностика ва психокоррекция қилиш.

Психолог ўз фаолияти доирасида “тарбияси қийин ўқувчилар” билан ҳам ишлайди. Бунда тарбияси қийин бўлишликнинг сабабларини ўрганиш, профилактик, психодиагностик, психокоррекцион ишларни ташкил этиш, амалга ошириш ва уни бартараф этиш чораларини ишлаб чиқиши ҳамда ўқувчи, ўқитувчи, ота-оналар учун тавсиялар ишлаб чиқиши лозим.

Бу вазифаларни ҳал этишда ўкувчилар ўртасидаги шахслараро муносабатларни яхшилаш, ўсмирлар ўртасида, шунингдек, улар билан катталар ўртасида тўғри инсоний, ишонтирувчи ўзаро муносабатни таъминлаш муҳим роль ўйнайди.
Мактабда тарбияси қийин ўқувчиларни ўрганиш бўйича буюртма келиб тушган кундан бошлаб, тарбияси қийин ўқувчи билан индивидуал ишлар ташкил этиш, психодиагностик ва психокоррекцион ишларнинг режалари тузилади ва психолог томонидан вазифалар белгиланади. Тарбияси қийин ўқувчилар рўйхатида турган ҳар бир ўқувчи учун шахс картаси тузилади ва қуйидаги тартибда юритилади.