Умумий ўрта таълим муассасаларининг ички тартиб ва одоб-ахлоқ қоидалари

2 боб. Ички тартиб қоидаларига риоя қилиниши
11.
Таълим муассасасида шаффофлик, ҳамжиҳатлик, ўзаро ишонч, иззат-
ҳурмат, бир-бирига ғамхўрлик қилиш, зўравонликни олдини олиш, дўстона 
муҳитни яратиш ҳамда аҳил-иноқлик жамоа аъзоларининг ўзаро 
муносабатларидаги муҳим шартлардан бири ҳисобланади.
12.
Таълим муассасаларида фаолият олиб бораётган педагоглар ҳар бир 
ўқувчига эътиборли муносабатда бўлади, ўқитиш жараёнида барча 
ўқувчиларга тенг имкониятларни яратади ва вужудга келадиган 
муаммоларни, шу жумладан, низоли ҳолатларни қонунларга мувофиқ 
тасдиқланган (ва барча манфаатдор томонларга маълум қилинган) қоидалар, 
таълим муассасасининг ички тартибига кўра ҳал этади. Ўқувчилар шахсига 
оид маълумотлар махфийлигини сақлашга қатъий амал қилинади.
13.
Ирқи, миллати, диний эътиқоди, жинси, оилавий аҳволи, ижтимоий келиб 
чиқишига кўра, ўқувчини ўқув жараёнидан четлатишга йўл қўйилмайди. Шу 
билан бирга, қоидаларни бузганлик мажбурий таълимдан четлатишга йўл 
қўйилмайди (Суд қарорлари билан махсус таълим муассасасига юбориш 
ҳолатлари бундан мустасно).

---

3 
14.
Жамоа аъзолари таълим муассасасида қуйидагиларга риоя этишлари 
талаб этилади:
— педагог шаъни ва қадр-қимматини ҳурмат қилган ҳолда ўқитувчилар ўзаро 
муносабатларда бир-бирига 
“Сиз”
деб мурожаат этишлари;
— раҳбар, педагог ходимлар ўзаро муносабатларда ягона жамоа сифатида 
ҳурмат, дўстлик, ҳамжиҳатлик ва адолат тамойилларига риоя этишлари;
— жамоа аъзолари орасида турли хил зўравонлик ва камситувчи (буллинг) 
хатти-ҳаракатларига йўл қўймаслик;
— жамоа аъзолари тасдиқланган машғулотлар жадвали асосида ишга ўз 
вақтида келишлари;
— таълим муассасаси ҳудуди ва йўлакларида ўнг томонидан юришлари;
— жамоа аъзолари бир-бирига дуч келганда саломлашишлари, бунда, кичик 
ёшдагилар катта ёшдагиларга биринчи бўлиб салом беришлари (ушбу 
ҳолатларда қўл бериб сўрашиш истисно бўлиб, ёши катта шахслар ёки хотин-
қизлар биринчи бўлиб қўл узатганидан кейингина уларга жавобан қўл 
узатишлари тавсия этилади);
— жамоа аъзолари иш вақтида эркин ҳаракатланиш учун қулай ва эстетик 
дид билан касбга мос ҳолда кийинишлари;
— кийимларнинг тоза ва дазмолланган бўлиши ҳамда кийимларнинг ўта тор 
ёки ўта кенг бичимда бўлмаслиги;
—