Умумий ўрта таълим мактабларида синфдан ташқари ишлар” 1-мавзу: Умумий ўрта таълим мактабларида синфдан ташқари ишлар ва унинг мазмуни

Мактаб спорт секциясининг тузилиши
Ҳар қандай спорт секцияси ўз фаолиятини шу секциянинг бюроси фаолиятини йўлга қўйиш орқали йўлга қўяди. Мутахассисликка оид умумий ва маҳсус адабиётларда спорт секциясининг тузилиши ва унинг фаолияти мазмунига оид етарли даражадаги ўқув материали берилган. Биз қуйида умумтаълим мактабларида энг кўп фойдаланилаётган волейбол спорт тури бўйича мактаб спорт секцияси структурасини.
18.1-чизмадаги волейбол спорт секциясининг структураси мактабнинг бошқа спорт секциялари учун ҳам таллуқлидир. Ҳар бир спорт секциясида қайд қилинган тайёрлов, кичик, ўрта, катта мактаб ёшидагилар гуруҳлари бир нечтадан бўлиши мумкин. Уларнинг таркибидаги шуғулланувчилар сони ўқувчилар Республика «Ёш куч» кўнгилли спорт жамиятининг мактаб спорт секциялари фаолияти низомида кўрсатилган. Агарда ҳар бир ўқув гуруҳи ўртача 20 нафардан шуғулланувчини ўзида мужассамлаштирса фақат ўғил болалар гуруҳларининг шуғулланувчилари 100 нафарни ташкил қилиши мумкин. Уларга қизлар гуруҳидагилар сони қўшилса (100 нафар) волейбол секциясининг ўзи жами 200 нафар спортчи ўқувчини ўз таркибига бириктиради.

Спорт секцияси кенгаши ўрта, катта мактаб ёшидагилардан 11-15 нафар, ташкилотчилик, ўйин техникаси ва қоидасини яхши билган ўқувчилардан, жамоатчи-мураббий ва йўриқчилардан ташкилланади. Улар мактаб волейболига оид барча ишлар: секция ўқув гуруҳларини тузиш, уларда машғулотларни ўтказиш, машғулотлар жадвалини тузиш, ўйин майдонларини жиҳозлаш, таъмирлаш, янгисини қуриш, тўпларни тайёрлаш, жамоатчи- йўриқчи, жамоатчи-ҳакамлар тайёрлаш, терма жамоаларни тузиш, мусобақалар, ўртоқлик учрашувлари ўтказиш, тақдирлаш, туман (шаҳар) мусобақаларида иштирок этиш «буюртма»ларини, жамоаларни мусобақаларга тайёрлаш, шуғулланувчиларнинг шахсий карточкасини юритиш, журналлар билан ишлаш, разрядлар бериш, «Саломатлик» тести талаб нормаларини топширишга тайёрлаш, уларни ҳужжатларини тайёрлаш, спорт-тренировкаси машғулотларининг режаларини тузиш ва бошқа қатор ишларни йўлга қўяди, уни ижросини назорат қилади.