Умумий ўрта таълим мактабларида синфдан ташқари ишлар” 1-мавзу: Умумий ўрта таълим мактабларида синфдан ташқари ишлар ва унинг мазмуни

14-МАВЗУ: Оммавий спорт ишлари синфдан ташқари ишларнинг асосий шаклларидан бири сифатида


Оммавий спорт ишлари ва унинг мазмуни
Мамлакатимизда юзага келтирилган уч босқичли мусобақалар тизими ўқувчи-ёшлар, айниқса мактаб ўқувчилари спортини ривожи муносиб ҳисса қўшмоқда. «Умид ниҳоллари» болалар спорт ўйинларининг дастури йилдан йилга кенгаймоқда ва Олимпиада дастуридаги спорт турларини кўпчилигини қамраб олмоқда. Мактабнинг оммавий спорти ва юқори натижалари спорти ҳозирги кунга келиб Ўзбекистон жисмоний тарбия тизимида ўз ўрнига эга. Бунинг исботини изоҳлашга ҳозирги кунда ҳожат йўқ. Чунки, мамлакатимиз Президенти, республика ҳукумати ёш авлод жисмоний “Камолот”ини ўз сиёсатининг устивор йуналишига айлантирган.
Ҳозирги кунда бу сиёсат ўз натижасини намоён қилмоқда ва Ўзбек спорти жаҳон спорт майдонида кун сайин ўз нуфузини ошаётганлигини намойиш қилмоқда. Бунга асосий сабаб мамлакат спортининг бешиги болалар спорти-мактаб спорти ва болалар, ўқувчи ёшларнинг оммавий спортини ривожлантиришда тўғри йўл танланганлигидир.
“Оммавий спорт ишларининг календар режаси” ва “оммавий соғломлаштириш тадбирлари режаси”
Жисмоний тарбия ўқитувчиси билан раис муовини биргаликда мактабнинг “оммавий спорт ишларининг календар режаси” ва “оммавий соғломлаштириш тадбирлари режаси”ни, МЖМЖ си кенгашининг “йиллик йиғилишлари режаси”ни тузади. Қайд қилинган МЖМЖнинг режалари мактабнинг “Камолот ёшлар ҳаракати уюшмаси” кенгашининг тадбирлари билан мувофиқлаштирилади ва умумтаълим мактабининг педагогика кенгаши муҳокамасидан ўтказилади.
Раис муовинлари вақти-вақти билан кенгаши олдида ҳисобот берадилар. Район ва шаҳар мусобақаларида иштирок этадиган мактаб терма жамоалари таркибини тасдиқлайдилар. Жисмоний тарбия активларини ва энг яхши спорт чиларни мукофотлаш, спорт разрядларини бериш бўйича мактаб директорининг ва МЖМЖси кенгашининг буйруғини тайёрлашда иштирок этади. Оммавий ташкилий комиссия кенгашнинг ҳар бир комиссияси таркибига мактабнинг фаол спортчилари, жисмоний тарбия ташкилотчилари, жамоатчи йўриқчилар, ёш спорт ҳакамлари, спорт мухбирлари, рассомлар, фото мухбирларни мужассамлаштиради. Уларни лозим бўлган комиссиялар таркибида турли хилдаги мактаб жисмоний маданияти ҳаётидаги тадбирларга жалб этади. Жисмоний тарбиядан синфдан ташқари ишлар мактаб спортида оммавийликга эришишни ўзининг асосий мақсади қилиб белгилаганлигидадир. Шунинг учун ҳам жамиятимизнинг ҳар бир аъзоси, у ёшми, қарими соғлом турмуш тарзига оид билимлар, унинг етакчи воситаси спорт ёки жисмоний маданиятга оид бошланғич билимлар ва амалий малака ва кўникмаларни мактабдалигида эгаллаши шарт қилиб қўйилган. Мамлакат спортининг замини умумий таълим мактаби спортидан-синфдан ташқари ишларнинг асосий шакли сифатида бошланади.