Умумий ўрта таълим мактабларида синфдан ташқари ишлар” 1-мавзу: Умумий ўрта таълим мактабларида синфдан ташқари ишлар ва унинг мазмуни

Cпорт кечасини ўтказишнинг тахминий режаси-сценарийси тузиш
Cпорт кечасини ўтказишнинг тахминий режаси-сценарийси (Марғилон шаҳар 3 иқтидорли болалар умумий таълим мактаби мисолида):
1. Мактаб жисмоний тарбия жамоаси кенгаши (МЖТЖК) раисининг мактабдаги оммавий спорт, соғломлаштириш ишларини бориши ҳақидаги ёки байрамга багишланган мавзуга оид қисқача чиқиши (ахборий сўзи). Бундай чиқишни мактабнинг энг яхши спортчиси, байрамга таклиф қилинган ҳурматли меҳмон ва бошқалар қилиши ҳам мумкин.
2. Мактаб мусобақалари ғолибларини, фаол-спортчиларни тақдирлаш, нишонлар, гувоҳномалар, спорт разрядини бажарганлиги ҳақидаги «спортчининг синов дафтарлари» ни тантанали равишда топшириш.
3. «Намойиш қилиш» тарзидаги чиқишлар қилиш (ўқувчилар-дан, меҳмонлардан бўлиши мумкин).
4. Спорт викторинаси (балл бериш билан).
5. Бадиий ҳаваскорларнинг чиқишлари.
6. Спорт аттракционлари.
7. Рақс (оммавий, якка ёки жамоа барча аъзолари).
Ҳар бир спорт блокига вақт ажратилади ва у ёзиб қўйилиши орқали спорт кечасининг ўтказилиши учун сарфланадиган тахминий вақт белгиланади. Аниқ вақт эса, кечани ўтказилишидан бир кун аввал, тайёргарликни даражасини аниқлаш мақсадида ўтказилган «генерал репетиция» омма олдида кўрсатишдан олдинги машқ қилиш пайтида сарфланган вақтга қараб қўйилади.
Спорт викториналари ва унинг мазмуни
Спорт викториналари ўқувчилар орасида жисмоний тарбия ва спорт машқларини тарғибот ва ташвиқот қилишнинг воситаси ҳисобланади. Тўғри ташкил қилинган викториналар ўқувчиларни ўзига жалб қилади, уларда ўз жисми маданияти билан шуғилла-нишга хоҳишини уйготади, жисмоний тарбия ва жисмоний мадани-ят ҳаракати тарихи билан таништиради. Викториналар одатда спорт кечалари, ҚЗУлари, умум мактаб спорт байрамларининг дастурига киритилади. Викторина саволлари спорт, алоҳида ажратиб олинган спорт тури, тантанали кунлар, тадбирларга бағишланган бўлиши мумкин. Викториналар саволлари ёки топириқлари алоҳида синфлар ва унинг алоҳида гуруҳлар ёки тур тарзида тузилган жамоалар учун тузилади. Уларга жавоблар тадбир давомида оғзаки, ёзма тарзида ўтказилади. Ёзма-умуммактаб спорт кечаларида тадбир вақтини чўзмаслик учун вазифалар, топшириқларни тарқатиш олдинроқ ташкилланади. Викториналар «Сиртқи викторина» тарзида ҳам ташкилланиши мумкин. Топшириқларга жавоблар ёзма юборилади, бундай викториналар учун муддат ҳафталик, ойлик, ўқув чораги давомида деб белгиланади.