Умумий қоидалар

Билиши керак:
Бўлим фаолиятига тегишли қонунлар, Вазирлар Маҳкамасининг Қарорлари, Вазирликнинг Ҳайъат Қарорлари, буйруқлари, Институт ректори буйруқларининг моҳиятини билиши.
Малака талаблари:

• 
  институтда бошқарув лавозимида зарур бўлган касбий ва ташкилотчилик қобилиятларига, таълим соҳасида раҳбарлик иш тажрибаси ва стажига, фаолият тури ва ваколатлари доирасида тегишли билим ва кўникмаларга;
  
• 
  намунавий шахсий фазилатларга-интеллект, маданиятли, етакчилик, ижодий қобилиятлар, ҳушмуомалалик, ташкилотчилик, ташаббускорлик ва тадбиркорлик қобилиятларига эга бўлиш, масъулият ҳисси, мустақил қарор қабул қилиш ва иш тутиш, қатъий ҳаракат қилиш, муассаса стратегик мақсадларига эришишни таъминлаш хусусиятларига;
  
• 
  олий маълумотга эга бўлиши;
  
• 
  бўлим йўналиши бўйича камида 3 йиллик самарали иш стажига эга бўлиши зарур.
  

Классификатор бўйича:

Т/р	Лавозим номи	ММСК бўйича код	Ходимлар тоифаси	Маълумотининг энг паст даражаси	ЎМКТМТЙКМ ва ОТЙМК бўйича коди
1925	Бўлим бошлиги	1239	Б	Олий маълумот	Билимларнинг қўлланиш соҳасига кўра

Психологнинг лавозим вазифалари

• 
  Шахс сифатида шаклланиш, ақлан баркамолликни таъминлашнинг оқилона шарт-шароитларини яратиш;
  
• 
  Таълим ва тарбия, яшаш шароити билан боғлиқ невротик ҳолатлар, психологик зўриқишнинг олдини олиш бўйича талабалар билан ишлаш;
  
• 
  Жамоа – аъзоларидаги психологик зўриқиш ва толиқишни йўқотиш, уларнинг олдини олиш чора-тадбирларини ишлаб чиқиш;
  
• 
  Шахслараро, этник гуруҳлар, миллатлараро турли кўринишдаги зиддиятларнинг олдини олиш учун психологик тадбирларини ишлаб чиқиш ва ўтказиш;
  
• 
  Профессор-ўқитувчилар ходимлар, ота-оналар ўртасида юзага келадиган низоларнинг, оилавий низоларнинг психологик илдизини ўрганиш, уларни келтириб чиқарувчи омилларни таҳлил қилиш, фавқулодаги вазиятларни енгиллаштириш ва бартараф қилиш бўйича маслаҳатлар бериш, чора тадбирлар ишлаб чиқиш;
  
• 
  Ёшлар ўртасидаги айш-ишратга, гиёҳвандликка, енгил турмуш кечиришга ва бошқа салбий ҳолатларга мойил бўлган шахслар билан индивидуал ишлашни йўлга қўйиш;
  
• 
  Ўзлаштириши паст, суст бўлган талабалар руҳий дунёсидаги нуқсонларни аниқлаш ва уларга ёрдам беришга қаратилган йўл-йўриқларини ишлаб чиқиш ва амалиётга тадбиқ қилиш, ҳамда коррекцион ишга муҳтож шахснинг индивидуал-психологик хусусиятларини ҳисобга олиш;
  
• 
  Талабалар турар жойи ва ижарада яшовчи талабаларда ижтимоий мослашув кўникмасини шакллантириш ва уларнинг ижтимоий муаммоларини бартараф этишда психологик-педагогик таъсир чора-тадбирларни ишлаб чиқиш;
  
• 
  Жамоада муомала маданиятини такомиллаштиришига қаратилган тадбирлар уюштириш, талабалар билан профессор-ўқитувчилар ўртасидаги психологик муносабатини ўрганиш ва таҳлил қилиш;
  
• 
  Талабаларнинг мутахассис ва етук шахс сифатида шаклланишига психологик ёрдам кўрсатиш;
  
• 
  Талабаларда учрайдиган ўқув малакалари ва куникмаларини эгаллашдаги нуқсонлар, хулқ-атворидаги камчиликлар сабабларини ўрганиш ва таҳлил қилиш;
  
• 
  Бошқа соҳа мутахассислари билан биргаликда талабаларнинг психик ривожланишидаги нуқсонларни ҳисобга олган ҳолда дифферренциал диагностикани амалга ошириш;
  
• 
  Талабаларни ривожлантирувчи ва психокоррекцион ишларни ташкил қилиш:
  

а) амалий психологик махсус машғулоти, айрим талабалар билан алоҳида ўтказилиши керак бўлган машғулотларни ўтказиш;.
б) талабалар гуруҳларида психологик тарбиявий таъсир чораларни кўришга йўналтирилган тадбирларни ўтказиш;
в) талабаларнинг ота-оналари, педагог ходимлари иштирокида тарбиявий тадбирлар тарзида машғулотлар олиб бориш;

• 
  Талабалар ва профессор-ўқитувчилар ўртасидаги номутоносибликни йўқотиш мақсадида махсус машғулотлар ўтказиш: улардаги ўқишдан, ижтимоий муҳитдан эгалланган ўрнидан, мавқиедан қониқмаслик ҳиссини йўқотиш учун тренинг, ролли ўйинлардан фойдаланиш;
  
• 
  Эмоционал зўриқишнинг олдини олиш учун ( жаҳон стандартларига жавоб берадиган, бошқарув пульти, экран воситалари, аутотренинг, социал тренинг,техник воситаларга, илмий услубий методикаларга эга бўлган) талабалар билан машғулотлар олиб бориладиган махсус кабенетларни жиҳозлаш;
  
• 
  Таълим, тараққиёт, тарбия, касбий шаклланиш, ўзаро муносабат, муомала маданияти, тенгдошлар муносабати ва дунёқараш, қобилият, иқтидор муаммолари юзасидан индивидуал, гуруҳий, жамоавий тарзда суҳбатлар уюштириш;
  
• 
  Ота-оналарга талабаларнинг психик ривожланиш хусусиятлари, шахс сифатида шаклланиши, ўзаро муносабати, индивидуал-типологик хусусиятлари муаммоси бўйича илмий-амалий маслаҳатлар бериш;
  
• 
  Талабалар турар жойларида талабаларнинг талаби, эҳтиёжи, қизиқиши, ижтимоий қарашлари, позицияси, мослиги ва турмушга муносабати тўғрисида мониторинг ўтказиш ва тавсиялар ишлаб чиқиш;
  
• 
  Иш берувчининг қонуний буйруқ ва фармойишларини бажариш;
  
• 
  Меҳнатни муҳофаза қилиш, хавфсизлик техникаси ва ишлаб чиқариш санитарияси талабларига риоя қилиш;
  
• 
  Институт Устави, Ички меҳнат тартиб, Одоб-аҳлоқ қоидалари ва мазкур лавозим (вазифа) йўриқномаларига риоя қилиш.