Умумий қоидалар

Билиши керак:
Бўлим фаолиятига тегишли қонунлар, Вазирлар Маҳкамасининг Қарорлари, Вазирликнинг Ҳайъат Қарорлари, буйруқлари, Институт ректори буйруқларининг моҳиятини билиши.
Малака талаблари:

• 
  институтда бошқарув лавозимида зарур бўлган касбий ва ташкилотчилик қобилиятларига, таълим соҳасида раҳбарлик иш тажрибаси ва стажига, фаолият тури ва ваколатлари доирасида тегишли билим ва кўникмаларга;
  
• 
  намунавий шахсий фазилатларга-интеллект, маданиятли, етакчилик, ижодий қобилиятлар, ҳушмуомалалик, ташкилотчилик, ташаббускорлик ва тадбиркорлик қобилиятларига эга бўлиш, масъулият ҳисси, мустақил қарор қабул қилиш ва иш тутиш, қатъий ҳаракат қилиш, муассаса стратегик мақсадларига эришишни таъминлаш хусусиятларига;
  
• 
  олий маълумотга эга бўлиши;
  
• 
  бўлим йўналиши бўйича камида 3 йиллик самарали иш стажига эга бўлиши зарур.
  

Классификатор бўйича:

Т/р	Лавозим номи	ММСК бўйича код	Ходимлар тоифаси	Маълумотининг энг паст даражаси	ЎМКТМТЙКМ ва ОТЙМК бўйича коди
1925	Бошқарма бошлиги	1239	Б	Олий маълумот	Билимларнинг қўлланиш соҳасига кўра

Илмий тадқиқотлар, инновациялар ваилмий-педагог кадрларни тайёрлаш бўлими бошлиғининг лавозим вазифалари

Илмий тадқиқотлар, инновациялар ва илмий-педагог кадрларни тайёрлаш бўлими бошлиғининг лавозим вазифаларига қуйидагилар киради:

• 
  бўлимнинг барча фаолияти ва ходимларини умумий бошқариш;
  
• 
  бўлимнинг иш режаларини тузиш ва уларнинг ижросини таъминлаш;
  
• 
  бўлим мақсадидан келиб чиқиб институтда мутасадди бўлган бўғинлар фаолиятини мувофиқлаштириш;
  
• 
  Ўзбекистон Республикасининг таълимга оид Қонунлари, Президент Фармонлари, Фармойишлари, Қарорлари, Вазирлар Мағкамасининг Қарорлари, Олий ва ўрта махсус таълим вазирлигининг Ҳайъат Қарорлари, буйруқлари, йўриқ хат, модемограмма ва телефакс-хабарномаларини, шунингдек, ректор буйруқларини бўлимда бажарилишини таъминлаш ва мониторингини олиб бориш;
  
• 
  ўқув муассасаси билан корхона, ташкилот, хусусий корхона ва фирмалар ўртасида йўналиш бўйича манфаатли илмий инновацион корпоратив ҳамкорлик шартномаларини тузиш ва уларни амалга ошириб бориш;
  
• 
  институтда Давлат илмий-техник дастурлари доирасида бажарилаётган лойиҳалар ва хўжалик шартномаларининг дастури ва смета ҳаражатларини тузилишини ва уларни тўғри сарфланишини назорат қилиш;
  
• 
  лойиҳалар ва хўжалик шартномаларининг ўз вақтида бажарилиши, ойлик, чорак, йиллик ҳисоботларни ўз вақтида текширилиши уни сифатли бажарилишини назорат қилиш;
  
• 
  бўлим иш режаларининг ўз вақтида бажарилишини мунтазам равишда назорат қилиш;
  
• 
  илмий-амалий конференциялар, семинарлар, кўргазмаларни ўтказиш ва уларнинг илмий тўпламларини чоп этилишини ташкил этиш;
  
• 
  молиявий ва меҳнат интизомини мустаҳкамлашга қаратилган чора-тадбирларни ишлаб чиқиш ва уларни амалга ошириш.
  
• 
  институтдаги факультетлар, кафедралар, илмий лабораториялар ва марказларларнинг илмий-тадқиқотларга тегишли ишларининг, Ҳайъат ва Илмий Кенгаш қарорлари ва бошка илмий тадкикотлар соҳасидаги меъёрий ҳужжатларнинг мониторингини ташкил килиш;
  
• 
  меъёрий ҳужжатларнинг ижроси ва мониторинг натижалари тўғрисидаги маълумотларни тегишли вазирликка ўз вақтида ва сифатли тақдим этиш;
  
• 
  стажёр-тадқиқотчи-изланувчилик ва докторант, таянч докторантликка қабул квоталари бўйича буюртмаларни ҳар йили белгиланган муддатларда расмийлаштириши ва вазирликка тақдим этилишини ҳамда ажратилган квота асосида қабул қилиш режаларининг бажарилишини таъминлаш;
  
• 
  стажёр-тадкикотчи-изланувчилиларнинг номзодлик имтиҳонларини мунтазам равишда ўз муддатларида ўтказиб борилишини таъминлаш;
  
• 
  қабул қилинган стажёр-тадқиқотчи-изланувчилар ва докторант, таянч докторантларнинг диссертация мавзуларини институт Илмий Кенгашида белгиланган муддатда тасдиқлатишни ташкил қилиш;
  
• 
  стажёр-тадкикотчи-изланувчи ва кторант, таянч докторантларни таътилга чиқариш, навбатдаги таътил жадвалини тузиш ва унга риоя қилган ҳолда буйруқларни тайёрлаш ва назорат қилиш;
  
• 
  тегишли ихтисослик кафедралари ва илмий раҳбарлар билан биргаликда стажёр-тадкикотчи-изланувчилар ва докторант, таянч докторантларнинг тасдиқланган шахсий иш режаси бўйича илмий иш олиб олиб боришларини таъминлаш ҳамда диссертацияларнинг ўз вақтида тугалланиши ва ҳимоя қилинишлари учун амалий ёрдам кўрсатиш;
  
• 
  амалдаги қонунчилик асосида бошқа вазифаларни бажариш.