Умумий қоидалар

Билиши керак:
Бўлим фаолиятига тегишли қонунлар, Вазирлар Маҳкамасининг Қарорлари, Вазирликнинг Ҳайъат Қарорлари, буйруқлари, Институт ректори буйруқларининг моҳиятини билиши.
Малака талаблари:

• 
  институтда бошқарув лавозимида зарур бўлган касбий ва ташкилотчилик қобилиятларига, таълим соҳасида раҳбарлик иш тажрибаси ва стажига, фаолият тури ва ваколатлари доирасида тегишли билим ва кўникмаларга;
  
• 
  намунавий шахсий фазилатларга-интеллект, маданиятли, етакчилик, ижодий қобилиятлар, ҳушмуомалалик, ташкилотчилик, ташаббускорлик ва тадбиркорлик қобилиятларига эга бўлиш, масъулият ҳисси, мустақил қарор қабул қилиш ва иш тутиш, қатъий ҳаракат қилиш, муассаса стратегик мақсадларига эришишни таъминлаш хусусиятларига;
  
• 
  олий маълумотга эга бўлиши;
  
• 
  бўлим йўналиши бўйича камида 3 йиллик самарали иш стажига эга бўлиши зарур.
  

Классификатор бўйича:

Т/р	Лавозим номи	ММСК бўйича код	Ходимлар тоифаси	Маълумотининг энг паст даражаси	ЎМКТМТЙКМ ва ОТЙМК бўйича коди
1925	Бўлим бошлиги	1239	Б	Олий маълумот	Билимларнинг қўлланиш соҳасига кўра

Юрисконсультнинг лавозим вазифалари

Юрисконсультчининг лавозим вазифаларига қуйидагилар киради:

• 
  юристконсультнинг иш режаларини тузиш ва уларнинг ижросини таъминлаш;
  
• 
  бўлим мақсадидан келиб чиқиб институтда мутасадди бўлган бўғинлар фаолиятини мувофиқлаштириш;
  
• 
  институтда чиқариладиган барча фармойиш, қарор ва буйруқ лойиҳаларини назоратдан ўтказиш ҳамда чиқарилган ҳар бир фармойиш, қарор ва буйруқларнинг амалдаги қонун қоидалар асосида тўғри расмийлаштиришни назорат қилиш;
  
• 
  институт билан бошқа ташкилотлар ўртасида тузиладиган шартномаларнинг тўғри тузилишини ва қонуний тарзда амалга оширилишини назорат этиш;
  
• 
  профессор-ўқитувчилар ва ходимлар ҳамда талабаларга ҳуқуқий маслахатлар бериш;
  
• 
  институтнинг бўлимлари билан биргаликда ўғирлаш, камомад, етмаган пул миқдори ва бошка ҳуқуқбузарликлар ҳақидаги ҳужжатларни тайёрлайди ва зарур ҳолларда арбитраж, тергов, суд ва бошқа ҳуқуқий органларига тақдим этади, иш жараёнида бўлган ва тугатилган суд ва арбитраж ишларини ҳисоботини ва сақланишини таъминлаш;
  
• 
  шартнома, молия ва меҳнат интизомини мустаҳкамлашга қаратилган чора тадбирларни ишлаб чиқишда ва уларни амалга оширишда, институт мулкини сақлашда иштирок этиш;
  
• 
  институт хўжалик ва молиявий фаолиятини яхшилашга қаратилган таклифларни ишлаб чиқишга ёрдам кўрсатиш;
  
• 
  белгиланган тартибда ходимларни интизомий ва молиявий жавобгарликка тортиш тўғрисидаги ҳужжатларни тайёрлаш ва расмийлаштириш;
  
• 
  хўжалик шартномаларини тузишда иштирок этиш ва уларнинг ҳуқуқий асосланганлиги кўриб чиқиш, жамоа шартномасини тузишда, дебитор ва кредитор қарзларини кўриб чиқишда иштирок этиш;
  
• 
  институтга келган шикоятлар бўйича, жавобни тайёрлаш максадида, зарур бўлган маълумотларни, ҳисоб-китобларни, тушунтириш хатларни ва бошқа зарур бўлган ҳужжатларни ўз вактида берилишини назорат қилиш;
  
• 
  Қонунчиликка мансуб маълумот-информацион ишларни олиб боради, қонунларга киритилган ўзгаришлар, қўшимчалар ва бекор қилинган қонунларни белгилаб бориш;
  
• 
  ҳуқуқшуносликга оид тарғибот ишларини олиб бориш, институт мансабдор шахсларни, уларнинг иш вазифаси доирасига кирадиган норматив актлари билан таништириб бориш;
  
• 
  институт профессор-ўқитувчилари, ходимлари, талабалари ва илмий ходим изланувчиларга, пенсияга чиқувчи ходимларга, бола тарбиясига билан таътилга чиқувчи аёлларга ҳуқуқий масалалар бўйича маълумот ва маслахатлар бериб бориш ва уларга ҳуқуқий-молиявий ҳужжатларини тайёрлашда амалий ёрдам кўрсатиш;
  
• 
  талаб этилганда институт ҳамда профессор-ўқитувчилари ва ходимларининг ҳуқуқни муҳофаза қилиш органлари ва суд олдида ҳуқуқларини ҳимоя этиш;
  
• 
  жисмоний ва юридик шахсларнинг мурожаатлари билан ишлаш, жумладан, Ўзбекистон Республикаси Президентининг виртуал қабулхонасига, вазирликлар ва институт ректорининг виртуал қабулхоналари ҳамда талабалар ва ота-оналар қабулхоналарига тушган мурожаатларни Ишчи гуруҳ аъзолари билан ўрнатилган тартибда кўриб чиқиш, мурожжатларда кўтарилган масалалар юзасидан лавозим вазифаларига масъулиятсизлик билан қараган мансабдор шахсларга интизомий чоралар кўриш бўйича таклифлар тайёрлаш.
  
• 
  амалдаги қонунчилик асосида бошқа вазифаларни бажариш.