Ulıwma orta bilim beriw mektepleriniń 7-klası ushın sabaqlıq

Tapsırma 1.1. 
Súwretlerge qarap, berilgen sorawlarǵa juwap beriń. 
1-SABAQ
2-TEMA. VETERINAR QANDAY KÁSIP?

---

78
1. Súwretlerdi túsindirip beriń. Kim ne islep atır?
2. Bul kásip iyesine bir márte bolsa da isińiz túsken be?
3. Bul kásiptiń basqa kásiplerden qanday ayırmashılıqları bar?
4. Bul kásipti iyelew ushın adamda qanday qábiletler bolıwı kerek?
5. Bul kásip basqa kásiplerdey áhmiyetli kásip dep oylaysız ba?
Biz úyimizde úy haywanların saqlawdı jaqsı kóremiz. Sıyır, eshki, atlardı, iyt yamasa 
pıshıq, qoyan, ǵaz, úyrek, tawıqlardı úy sharayatında baǵamız. Olar shańaraǵımızdıń bir 
aǵzasınday bolıp ketkenligi sebepli, olarǵa at qoyamız. Eger awırıp qalsa, oǵan járdem 
bergimiz keledi. Sol waqıtta kimge múrájat etemiz?
Veterinar
– haywanlardı emlewshi shıpaker. 
Veterinariya
tarawı haywanlardı 
keselliklerden qorǵaw hám olardı emlew, kóbeytiw, xalıqtıń joqarı sapalı sharwashılıq 
ónimlerine bolǵan zárúrliklerin toltırıw, adamlardıń 
haywanlardan kesellik juqtırıwı, haywanlardıń da 
keselliklerge shalınıwınıń aldın alıw, qorshaǵan 
ortalıqtı 
saqlawǵa 
baylanıslı 
sanitariyalıq 
mashqalalardı saplastırıwǵa baylanıslı ilajlar menen 
shuǵıllanıwshı taraw. 
Sonday-aq, veterinarlar Ózbekstan Respublikası 
aymaǵına shetten haywanlardıń juqpalı kesellikleriniń 
kirip keliwin úyreniw, haywanlar ushın ot-jem tayarlaw hám ishimlik suw sapasın 
baqlaw maqsetinde 
laboratoriya-klinikalıq 
ilajlardı da ótkeredi.
Házirgi waqıtta Ózbekstan Respublikasında veterinariya tarawın ele de 
rawajlandırıw ushın joqarı oqıw orınlarında bul tarawǵa qánigelerdi jetkerip beriw 
maqsetinde birneshe 
bakalavr hám magistrlik 
baǵdarındaǵı qánigelikler ashıp berilgen. 
Veterinariya jónelisi – awıl xojalıǵı baǵdarındaǵı jónelis bolıp, ol haywanlar 
arasında ushıraytuǵın túrli infekciyalıq yamasa juqpaytuǵın kesellikler, túrli jaraqatlar, 
parazitli kesellikler hám olardıń qozǵatıwshılarınıń rawajlanıwınıń aldın alıw, klinikalıq 
belgilerin anıqlaw, emlew, qarsı gúresiw ilajların úyreniw hám olardı ámeliyatta kóriw 
kónlikpelerin payda etiw ushın zamanagóy texnologiyalardan paydalanıw usılların 
úyrenedi. Mine usılarǵa tiykarlana otırıp onıń birneshe bólimleri qáliplesken:
- haywanlardıń keselligin anıqlaw hám dawalaw;
- 
veterinariya xirurgiyası
;
- 
veterinariya farmokologiyası;
- 
veterinariya akusherligi 
hám haywanlardı kóbeytiw 
biotexnikası;
- 
veterinariya sanitariyası
hám sharwashılıq ónimlerin qayta islew gigienası;
- 
veterinariya mikrobiologiyası, virusologiyası hám immunologiyası;
- veterinariya diagnostikası hám rentgenologiyası;
- operativlik xirurgiya hám anesteziologiyası;
- haywanlardıń parazitli hám juqpalı kesellikleri;
- balıq kesellikleri;
- pal hárresi kesellikleri;
- quslar kesellikleri hám t.b.
(Gazetadan)

---