Ulıwma orta bilim beriw mektepleriniń 7-klası ushın sabaqlıq

 
Tapsırma 1.1.
1. Avtorlıq huqıqı kimlerge beriledi eken? 
2. Televideniede kórsetiw tayarlansa, onıń scenariyiniń hám kórsetiwdiń 
óziniń avtorlıq huqıqı kimge yamasa nege beriledi?
Bul Nızamda tómendegi tiykarǵı túsinikler qollanıladı:
shıǵarmanıń nusqası
– shıǵarmanıń hárqanday materiallıq túrde tayarlanǵan 
kóshirmesi;
shıǵarmanı kópshilik aldında jarıqqa shıǵarıw
– shıǵarmanıń túp nusqasın 
yamasa kóshirmesin tikkeley yaki plyonka, diapozitiv, televiziyalıq kadr járdeminde 
yamasa qaysı bir basqa da texnikalıq qurallar arqalı ekranda kórsetiw, sonday-aq, 
audiovizual shıǵarmanıń ayırım kadrların olardıń izbe-izligin saqlamastan kópshilik 
ushın ashıq jerde yamasa bir shańaraq aǵzaları bolmaǵan shaxslardıń keń dógeregi 
jıynalǵan orında kórsetiw;
shıǵarmanı járiya etiw
– avtordıń kelisimi menen ámelge asırılatuǵın shıǵarmanı 
basıp shıǵarıw, kópshilik aldında jarıqqa shıǵarıw, kópshilik aldında atqarıw, efirge 
beriw yamasa basqasha usılda jiberiw jolı menen tuńǵısh márte shıǵarmadan hámmeniń 
xabardar bolıwı ushın imkaniyat beretuǵın háreket;
jazıw
– dawıslar yamasa kórinislerdi qayta-qayta qabıllaw, tákirarlaw yamasa 
jiberiw múmkinshiligin beretuǵın qaysı bir materiallıq túrde texnikalıq qurallar 
járdeminde jazıwǵa túsiriw;
atqarıw 
– shıǵarmanı, fonogrammanı, atqarıwdı, saxnalıq shıǵarmanı, oyın, 
kórkem oqıw, qosıq aytıw, oyınǵa túsiw arqalı janlı atqarıw yamasa texnikalıq qurallar 
járdeminde usınıw;
atqarıwshı
– aktyor, qosıqshı, sazende, oyınshı yamasa rol atqarıwshı, qosıq 
aytıwshı, kórkem etip oqıwshı, oyınǵa túsiwshi, interpretaciya qılıwshı, saz ásbabın 
shertiwshi yamasa ádebiyat yaki kórkem óner shıǵarmasın basqa bir tárizde atqarıwshı 
fizikalıq shaxs, sonday-aq, spektakldi saxnalastırıwshı rejissyor hám dirijyor;