Ulıwma orta bilim beriw mektepleriniń 7-klası ushın sabaqlıq

194
Tapsırma 2.4. 
Tómendegi tekstti oqıń hám qaysı partiyanıń jumıs iskerligindegi 
qaralıwshı másele dep oylaytuǵınlıǵıńızdı aytıń. Gáplerden waqıt 
pısıqlawıshların tabıń.
Heshkimge sır emes, kóplegen jıllardan berli Qaraqalpaqstan Respublikası 
sharayatında awıl xojalıǵı tarawında diyqanshılıqtan joqarı ónim alıwda hám egislik 
jerlerdiń suw támiynatı boyınsha birqatar mashqalalar bar edi. Keyingi jıllarda 
Prezidentimiz tárepinen bul mashqalalardı sheshiw boyınsha birqansha jumıslar 
ámelge asırıldı. Júdá uzaqqa emes, jaqın úsh jılǵa názer salatuǵın bolsaq, Qaraqalpastan 
Respublikasında 47 mıń gektardan artıq jerlerdiń suw támiynatı jaqsılanıp, 11 mıń 
gektardan aslam egislik maydanları shorlanıw dárejesiniń azayıwına erisildi. 140 mıń 
gektardan aslam maydanlardıń meliorativlik jaǵdayı jaqsılandı. 2020-jılı 5-dekabrde 
Ózbekstan Respublikası Prezidentiniń «Qaraqalpastan Respublikasında suw 
resurslarınan nátiyjeli paydalanıw hám jerlerdiń meliorativ jaǵdayın jaqsılaw boyınsha 
keshiktirip bolmaytuǵın ilajlar haqqında»ǵı qararı qabıl etilip, onda keyingi úsh jılda 
isleniwi tiyis wazıypalar belgilep berildi. Bunda 42 mıń gektarǵa jaqın maydanlarda 
suwdı únemlewshi texnologiyalardı óndiriske engiziw, 1666 orında suwdı basqarıw, 
suwdıń esap-sanaǵın alıp barıw hám monitoringin júrgiziw,»Aqıllı suw qurılması» 273 
nasos stanciyalarında, 409 nasos agregatlarında elektr energiyasınan paydalanıwda 
sanlı texnologiyalar járdeminde «onlayn» rejiminde qadaǵalaw alıp barıw rejelestirilgen.
Sonday-aq, 2021-2023-jllar dawamında mámleketlik jeke sheriklik tiykarında, 
31 suw xojalıǵı obyektlerin jeke menshik sektorlarına beriw kórsetkishleri belgilep 
alındı. Bul tiykarında suw resurslarınan paydalanıp, suw muǵdarların únemlew hám 
awıl xojalıǵı tarawında hárbir gektar maydannan alınatuǵın ónimdarlıqtı arttırıw, 
únemlengen suw muǵdarları esabınan xalıq xojalıǵı tarawları, yaǵnıy ishimlik suw 
támiynatın jaqsılaw, balıqshılıq tarawın rawajlandırıw, óndiris hám islep shıǵarıw 
tarawlarına tiyisli suw muǵdarların úzliksiz jetkerip beriw imkaniyatları jaratılǵan. 
(«Erkin Qaraqalpaqstan» gazetasınan)
!
Is-hárekettiń isleniw waqtın sıpatlaytuǵın pısıqlawıshqa