Ulıwma orta bilim beriw mektepleriniń 7-klası ushın sabaqlıq

3. Miymanxanadan xostellerdiń qanday ózgesheligi bar?
4. Turizmdi rawajlandırıwda shańaraq miyman úyleriniń áhmiyeti 
qanday?
5. Turoperator qanday jumıs isleydi? 
6. Mámleketimizde sıyımlılıǵı jaǵınan turistler qaysı orında kóp ornalasa 
aladı eken?
7. Kvadrocikl qanday transport quralı?
8. Ónerment ustaxanalarınıń turizmdi rawajlandırıwdaǵı áhmiyeti 
qanday?
Ózbekstan Respublikası Prezidentiniń 2018-jıl 3-fevraldaǵı PP-5326 – sanlı 
«Ózbekstan Respublikasında turizmdi rawajlandırıw ushın qolaylı sharayatlar 
jaratıw boyınsha qosımsha is-ilajlar haqqında»ǵı Pármanına muwapıq isbilermenlik 
subyektleri tárepinen alıp kelingen 63 avtotransport quralların shet elden 
Ózbekstan aymaǵına alıp kiriwde 23,8 mlrd. sumlıq bajıxana jeńillikleri qollanıldı. 
Búgingi kúnde bul avtotransport quralları shet elli hám aymaqlıq sayaxatshılar 
ushın xızmet etpekte.
9. 5326-sanlı Prezident pármanı isbilermenlerge qanday jeńilliklerdi 
jaratıp bergen?
 

---

170
10. Eń sońǵı gápte bayanlawıshtıń bildiriliwi hám qurılısına qaray qaysı 
túrleri qollanılǵan?
2021-jıl dawamında ishki turizmdi rawajlandırıw, turıstlerdi qamtıp alıwda 
túrli ǵalaba-mádeniy kewil ashar ilajlardıń áhmiyetin esapqa alıp, hárbir aymaqtıń 
ózine tán ózgesheligin esapqa alǵan halda Nókis qalasında «II xalıqaralıq baqsıshılıq 
óneri», «Moynaq Ralli» avtomobil jarısı, «Aral balıqlarınan 99 túrli taǵam» festivalı 
sıyaqlı ilajlar ótkerildi. 
11. «Ishki turizm» degende neni túsinesiz? 
12. Balıqtan tayarlanatuǵın neshe túrli taǵamdı bilesiz? 
Ózbekstan Respublikası Ministrler Kabinetiniń 2019-jıl 4-oktyabrdegi 
«Materiallıq mádeniy miyraslardıń kóshpes múlk obyektleri milliy sistemasın 
tastıyıqlaw haqqında»ǵı 846-sanlı qararı menen Qaraqalpaqstan Respublikası 
aymaǵında jaylasqan 288 mádeniy miyras qayta tastıyıqlanıp kirgizildi.