Ulıwma orta bilim beriw mektepleriniń 7-klası ushın sabaqlıq

Tapsırma 1.1.
1. Jazıwshılardı hayal yamasa erkek dep ajıratıw durıs dep oylaysız ba?
2. Jáhán yamasa qaraqalpaq ádebiyatında salmaqlı jumıs islep atırǵan 
hayal jazıwshılardan kimlerdi bilesiz?
 
Eger usı ólshemlerdi esapqa alsaq, 
Gúlaysha Esemuratovanıń oqıwshılarǵa 
usınılıp atırǵan bul «Shıǵarmalar toplamı»nıń I tomındaǵı
shıǵarmaları kem tas 
qoyıp, kemshiligine keshirim sorawǵa mútáj emes. Onıń hárbir shıǵarması 
turmıs 
shınlıǵınan 
alıp jazılıp, óziniń júrek sezimleri menen suwǵarılǵan. Bul shıǵarmalarda 
salmaqlı 
oy-pikirler
bar hám psixologiyalıq súwretleme sheber berilgen. 
Sońǵı jıllardaǵı gúrriń, povest, romanlarımızda kóbinese sentimentallıq 
eljirew sezimine eligip ózin toqtata almay, 
shıǵarmanı orınsız sozıp jiberiwler, «tariyxıy 
shıǵarmaǵa ne jazsań, bári sıya beredi» dep qaraw, ásirese, detektivke háwesgóylik 
kúsheymekte. Detektiv, álbette, belgili janr, oǵan háwesgóy oqıwshılar da az emes. 
Degen menen detektiv shıǵarma bul kórkem ádebiyatqa jatpaytuǵınlıǵın biziń, ásirese, 
biraz jas jazıwshılarımız 
bilip qoyǵanı jaqsı.
Tapsırma 1.2.
1. Qızıl menen berilgen sóz dizbekleri hám qospa sózlerdiń qaysı gáp 
aǵzası ekenligin aytıń. Olardı qurılısına qaray talqılań. 
2. Detektiv janrǵa qanday shıǵarmalar kiretuǵınlıǵın bilesiz be?
3. Ne ushın keyingi waqıtlarda jazıwshılarda detektivke háwesgóylik 
kúsheygen dep oylaysız? 
G. Esemuratovanıń bunı ańǵaratuǵınlıǵı bilinedi. Ol hár shıǵarmasında óz 
qaharmanlarınıń obrazın, minez-qulqın insan táǵdiri arqalı jaratıwǵa umtıladı. Onıń 
tili asıqpay-albıramay, naǵısın keltirip sóylep otırǵan «ana tili»ne uqsaydı. Onıń sózi 
shireli, sezimleri tereń, ol erkin pikirlewge umtıladı. 
Tapsırma 1.3.
1. «Ana tili» sózi ne ushın tırnaqshaǵa alınǵan?