Ulıwma orta bilim beriw mektepleriniń 7-klası ushın sabaqlıq

itibar beriń hám bir rásmiy úlgidegi, bir jeke úlgidegi qutlıqlaw xatların 
jazıń. 
4
!
Tómendegi tirkewishler barıs sepligindegi sózlerdi talap etip, 
oǵan qosımsha kómekshi mánilerdi qosadı:
Taman, jaqın tirkewishleri. 
1. Waqıtlıq mánini bildiredi:
Keshke taman xalıq toparlasıp teń 
qurbıları menen gúrrińlesip atır (J.Sh.).
2. Orınlıq mánini bildiredi: 
Patsha Mıńbulaqqa jaqın qonıslastı 
(Q.X.A.).
3. San-muǵdar mánisin bildiredi:
 Muǵallimdi onǵa jaqın bala qorshap 
alǵan edi (M.T.). 

---

76
Zaman talabı tiykarında jańa kásipler payda boladı, al ayırım kásipler joǵalıp 
baradı. 
Máselen, burın bolǵan jarshı (xabarlardı, buyrıqlardı jetkeriwshi), juwazshı, 
digirmanshı, arbakesh kásipleri házirgi waqıtta joǵalıp ketken bolsa, dizayner, menedjer, 
programmashı t.b. kásipler házirgi texnologiyalıq ásir talabı tiykarında payda bolǵan. 
Qánigelerdiń pikirine qaraǵanda, 20-30 jıldan keyin házir ámelde bolǵan ayırım 
kásiplerge zárúriyat qalmaydı.
Bul tez pát penen rawajlanıp atırǵan texnologiya 
nátiyjesinde júzege keledi. Islep shıǵarıw hám xızmet kórsetiw tarawları tolıq 
avtomatlastırılatuǵın bir waqıtta 20-30 jıldan keyin insan resursına, ayırım kásiplerge 
bolǵan talap ózgeredi yamasa joǵaladı. Máselen, tolıq avtomatlastırılǵan taksiler iske 
qosılsa, aydawshılardıń keregi bolmaydı, yamasa huqıqıy másláhát beriwshilerdi alayıq: 
olardıń ornın basıwshı robot jaratılǵan hám onnan biymálel huqıqıy másláhát alıwıńız 
múmkin. Demek, bul sıyaqlı jaǵdaylar keleshekte kóplegen kásiplerdiń iskerligin qáwip 
astına qoyadı.
Ózbekstanda eń kóp is haqı tólenetuǵın kásipler dizimin oqıǵanımızda, olarda 
20 kásip berilgen bolsa, yarımı xabar texnologiyaları tarawı esaplanadı. 
Qánigelerdiń 
aytıwına qaraǵanda, bul kásiplerge talap artsa artadı, hesh kemeymeydi. Olardı iyelew 
ushın joqarı maǵlıwmat ta talap etilmeydi. 3-6 aylıq kurslardı oqıwdıń ózi jeterli. 
Maslasıwshılıǵı basım kásipler toparına kirgeni ushın talap anaǵurlım joqarı boladı. 
2035-jılǵa barıp dúnyada 70 payızǵa jaqın jumıs avtomatlastırılǵan jóneliske 
ótedi. Jaqın keleshekte 
Ózbekstan xalqı 40-42 millionǵa jetiwin esapqa alatuǵın bolsaq, 
miynet bazarında kadrlarǵa talap keńeyedi.
Ózbekstanda turizm tez pát penen rawajlanıp barmaqta. Bul jaǵday tarawda jetik 
kadrlarǵa talaptı kúsheytedi. 
Oqıtıwshılıq kásibi – shıpaker hám qurıwshılıq kásibi sıyaqlı ólmes kásiplerdiń biri. 
Sebebi bul kásiplerdi mashinalar menen tolıq almastırıp bolmaydı. Hátte, ata-babalar 
tájiriybesin ótiwge baǵdarlanǵan tolıq jasalma intellekt jaratılsa da, biz balalardı 
kompyuterdiń oqıtıwına iseniwimiz qıyın. Sonlıqtan oqıtıwshılar bárqulla talaptaǵı 
kásip iyeleri boladı. Biraq bul oqıtıw usılı da ózgerip barmaqta. Onlayn pedagogika 
hámme jerde keń tarqalǵan. Jaqın keleshekte adamlardıń biliminiń belgili bir payızı 
internette ǵárezsiz oqıw yamasa onlayn oqıtıwshılar arqalı iyeleniwi múmkin.
!