Ulıwma orta bilim beriw mektepleriniń 7-klası ushın sabaqlıq

sóz benen birge terip dápterińizge jazıń hám olardıń sol sóz benen birge 
pútin gápke qatnaslı qanday mánini bildirip turǵanlıǵın aytıp beriń. 
Úlgi:
Alıp keliw ushın – 
maqsetlik mánide
Kúnlerden bir kún patsha ılǵıy jaslardı suw astındaǵı gáwhardı alıp keliw ushın 
jumsadı. Barǵan adamlardıń birewi de suwdan aman shıqpadı.
Bir kúni gezek usı jigitke keldi. Jigit ákesine barıp bul awhal haqqında ayttı. Ol 
balasına:
– Balam, sen suwǵa túspe. Bir qayıq tawıp al, teńizge bar. Jigirma shaqırım júr. 
Aldıńnan úlken bayterek shıǵar. Sol terekte úlken qustıń uyası bar. Qayıqtı aǵashqa 
bayla. Terekke min de, qustıń qasına bar. Qus saǵan tiymes. Patshanıń gáwhar degeni 
sol aǵashtıń japıraǵı. Sáwlesi suwdıń túbine túsedi. Patsha aqmaq, zulım bolǵanı ushın 
adamlardı suwǵa jiberip óltirip atır. Sen bar da, qayıqqa qansha sıysa sonsha toltırıp 
alıp, patshaǵa ber, – deydi.
Áne, balası solay islep, gáwhardı patshaǵa alıp baradı. Patsha hayran bolıp:
– Bul aqıldı saǵan kim ayttı? Jasırmay ayt, bolmasa basıń keter, – dedi qáhárlenip.
– Taqsır, bir qasıq qanımnan keshseńiz, men aytayın, – dedi jigit.
– Ayt, keshtim!
– Atamdı sizden jasırıp birneshe jıldan beri saqlayman, bul aqıldı barǵanımda 
atam ayttı, – dedi jigit.
Patsha ornınan turıp:
– Házir sol atań bar ma? – dedi.
– Bar, taqsır!
Patsha uzaq oylanıp qaldı.
– O, ádiwli puqaram! Men, shınında da, nadan bolǵan ekenmen. Meni keshiriń, 
– dedi patsha.
Áne, sonnan keyin húkimdar zulımlıqtı qoyıp, pármanın biykarlap, jigittiń 
ákesin wázir etip saylap, jigitke qızın berip, qırq kún toyın, qırq kún oyın berip, muradı-
maqsetine jetken eken. 
(Qaraqalpaq xalıq ertegi)
Tapsırma 3.3. 
Qálegen bir ónimniń islep shıǵarılıwı hám onı islewshi kásip 
iyesi haqqında maǵlıwmatlar jazıń. Bul maǵlıwmatıńızdaǵı sóz yamasa